muterang jagat.
231. Magentos pesengan Gusti Bagus, ne mangkin maparab Gusti Agung Nitiyukti, reh pangraose paguh, tuara bisa kasalimur, rajah satua pandadine, sangkan manemu ra- hayu, wiakti dulurin Betara, sangkan bagiane magledag.
232. Ida Gede saur matur manuk, ampura ja bapa, mangkin
matur ring I Gusti, ulih ne sampun-sampun, durung bapa
ngrenga tutur, kadi I Gusti labdane, Anak Agung jaya sa-
tru, mapelinggihan Garuda, yan tan ucapaning satua.
233. Boya bapa saking jumbuh atur, maalum-aluman, mangi-
ring kayun I Gusti, nyandang wantah i ratu, mangontosin
Gusti Agung, kalih yan manahang bapa, kadi dane sang wus
lampus, raose manguragada, tuara palapan ring panjak.
234. Kewala ngulurin legan kayun, sami pangraose, cai Sulak-
sana kalih, I Samirana iku, pangraose nyabran jendul, tan
uning ring silakrama, bongkole manadi muncuk, ngrusak
tataning negara, setata mangrag-grag bikas.
235. Uger-uger lawas tan karunggu, satmakanya bapa, kena upa
drawan Widi, kudiang tan wenten uwug, ngandika I Gusti
Agung, tan wentenko sapunika, wantah panitah Hyang tu
duh, tingkahe manggih kasukan, wantah dulurin Betara.
236. Sue katangkil I Gusti Agung, lingsir raris budal, panang
kilan raris mulih, ka jroan Gusti Agung, Ni Sudadnyana
kawuwus, I Gusti Istri parabe, suka wirya sugih agung,
cacep mangulanin panjak, braya kadang masewaka.
237. Tan kocap tingkahe manggih agung, ada dasa dina, saget
Hyang Narada prapti, I Wiracita ndulur, kapanggih I Gus-
ti Agung, sedekan ring panangkilan, I Wiracita wotsantun,
sampun mungguing babataran, anake gaok makejang.
238. Tumon ring wong kadewatan rauh, maawak gandarwa,
semune ramping ngresi ati, gupuh I Gusti Agung, manga-
turang wajik wuku, ring Ida Sangiang Narada, Ida Gede milu
gupuh, atur padiargacamania, angastungkara ring weda.
73
