ka kawah, sing memangkel kena gada.
132. Begawan Mrucukunda amuwus, kaki Penyarikan, paran wedining atma iki, kinela pada iku, ring wekas sangsaran ipun, alewes pangucape, Hyang Penyarikan amuwus, solah suabania gesang, tan ilang denia gawa.
133. Asing sakawisayania dangu, kang den sambat mangke, iku atmane wang lewik, uwusnia siu taun, kinela ring kawah iku, dadi kakeliking jagat, yan ring manusa wus wukuk, ndatan wadon nda tan lanang, gring anggalih muang kamalan.
134. Wenang andadi wong sudra iku, yan ayu lampahe, ing jemah malih andadi, wesia muah yen ayu, laksananing wesia iku, jemah ndadi satria, yen ala pagawan ipun, masih kalebu ring kawah, munggah kalungsurania.
135. Punika tingalin kang ngayub, ring sor curigane, rencem awaknia den ing kris, rabnia deres umetu, papaning bandua sawu, wane iku kang angambah, watu galagil kalungsur, papaning manahe ginjal, kadi padapa kanginan.
136. Nahan ring Penyarikan iku, sira Mrecukunda, kliwat wedasing ati, anuun pada mantuk, Bagus Diarsa kawuwus, ngraris mamargi nganginang, watara atengah dauh, malih ngatepukin atma, matambun ngebekin tegal.
137. Betara Narada saget rauh, saking mrecapada, uli manglang-lang matilik, tan polih ida ngadu, mangadayang yuda agung, apan ida seneng pisan, manonton yudane agung, raris mantuk mangambara, rauh ring naraka loka.
138 . Kapanggih atma paratma liu, ngandika pataken, atma ken-ken kita dini, ajak liu matambun, kang atma pada umatur, pukulun Sanghyang Narada, atehang ke titiang ratu, mangkin munggah ka suarga, parek ring ida Betara.
139. Bagawan Narada sira muwus, iba ada suka, nagih ka suargan jani, suba ka iba tau, ngadu darma ngulah ayu, madana punia mayadnya, kang atma kabeh masaur, titiang sampun lumaksana, mangadu darma mayadnya.
61