kin dewa pukulun, titiang wantah nunas supat, Hyang Panyarikan amuwus, kudiang awak kadung salah, sing teka masih taanang.
124. Atmane ngeling pasleguk, jejeh san atine, ngrasa awak jani sakit, nyumbah-nyumbah maatur, titiang mindah dewa ratu, mangkin titiang kapok pisan, lamun titiang malih pungkur, ngambekang laksana corah, sara ja kayun i dewa.
125. Hyang Panyarikan mangke amuwus, apang iba nawang, to iwas in uli dini, anduse inggel malepuk, apinnyane gede murub, tongos atmane malblab, sing macebur teka gebuh, nden nyanan malu antiang, kema bakal tiban iba.
126. Akeh atmane pada mangulun, mangeling maguyang, aduh bapa aduh embi, manyumbah raris maatur, kasiba ja titiang ratu, apang gigisan naraka, batek angan kalih taun, Hyang Panyarikan angucap, lamun ada panebasan.
127. Kanistamadia motama mungguh, sadrana naraka, kang atma maatur sami, pinunas titiange ratu, durusang swecane ratu, titiang nenten makta jinah, pungkuran titiang manaur, apang manikel ping dasa, titiang ngaturang penebas.
128. Hyang Panyarikan amuwus, sing keto kramane, dening ngiring Sanghyang Widi, sing adi uah-uwuh, ada suba jangkan ipun, sirahe suba masurat, jele melah suba mungguh, tong dadi buin pedihang, pagawene suba ngaba.
129. Atma paratma pada manguntuk, kangen teken awak, yeh matane deres mijil, sami pada umatur, titiang manunas manglungsur, basang titiange bas layah, kalih baong titiange tuh, bedak layah kapanesan, sue titiang tan paneda.
130. Hyang Bagawan kapiwelas kayun, raris mangaliang, ring kakan dwa luh manik, sing alih ada ditu, yeh tuak suba ditu, be jaja sarwa melah, sami kacacaran sampun, suud manginem mangamah, saget cikrabala teka.
131. Katah pagrubug ada satus, ada ngaba gada, ada ngaba sujen wesi, lugora miwah angkus, sampat wesi lawan tulup, atma jrih pablesat, malaib ya pati puug, kablet macebur
60
