115. Keto munyi atmane gumuruh, kedek maurahan, ada masu- rak manengkik, majalan pagerubuk, singsete jolit mailut, mangejog Hyang Panyarikan, munyi agal tan paunduk, ne Begawan Panyarikan, ateheng gelah ka suargan.
116. Lamun tuara nyak den amuk, sira Panyarikan, ngeling- elingan ring ati, pangandikane ring kayun, tuara da angan aukud, atma rahayu lampahe, makejang mandia-diu, suba atma masih bobab, mangaku awake suarga.
117. Hyang Panyarikan amuwus, kita atma kabeh, nira mata- kon den jati, suba ke pada kamu, makinkin mangulah ayu, ndewayadnya butayadnya, pitrayadnya mamukur, mada- na punia ring jagat, maguru karto padesa.
118. Para atmane pada masaur, mabriyuk makejang, patuh bu- ka samayain, inggih-inggih titiang sampun, mamitrayadnya mamukur, ndewayadnya butayadnya, dana punia titiang sampun, maulah kretopadesa, maguru sang Brahmana.
119. Bagawan Panyarikan amuwus, nguda kamu mangke, ma- mabubutan aku mangke, aku suba tuah tahu, teken lampah ulah kamu, adiri tong ada suarga, make jang mandia-diu, kamu bobab ngaku surga, uli idup kayang atma.
120. Ne pipil ibane katepuk, ne kai mamaca, kita padingehang jani, ne kita ngiwat malu, katara laut kaejuk, tuara ada mangguguang, kailangan batan kepuh, tuara ke keto kan- dannya, sang atma raris angucap.
121. Inggih-inggih wiakti dewaratu, titiang naen iwang, ica i dewa ngampuri, Hyang Panyarikan muwus, ne kita buin katepuk, pipil kitane dingehang, kita kocapan ne malu, mamati wong tan padosa, laut kitā ilangang.
122. Tuara keto kandan bane malu, kang atma angucap, duh ratu titiang wiakti, Hyang Panyarikan muwus, ne pipil iba- ne tepuk, kocap iba bisa ngleak, maneranjana maneluh, tuara keto kandan iba, da iba jani matilas.
123. Sang atma umatur singgih pukulun, wiakti ipun dewa, mang-
59
