etuh, payah arig kare tulang, bilang buku beseh barah.
107. Atman anak nulak dana iku, wenten malih atma, pakalih- an luh muani, ada manegen manyuun, manyangkil ngan- dong manikul, sarat ngaba kasugihan, sugih demit aran ipun, nganggo gelah tani logas, kalingke madania punia.
108. Bagus Diarsa mangrantun-rantun, sagetan mangenah, Kah- yangan Betara Gori, candi putih mangunggul, kayu teja kayunipun, grahe salaka arane, Bagus Diarsa ngrasa tuyuh, idepe ditu mararyan, saget ngenah anak dadua.
109. Marep arepam ya majujuk, di batan kayune, mangraos sareng kakalih, Hyang Panyarikan iku, pakalihan amuus, to Begawan Mrecukunda, Bagus Diarsa maayub, mamben lawan kayu teja, Hyang Panyarikan angucap.
110. Atma paran sira negak ditu, ngantorong tejane, mirib sira atma lewih, Bagus Diarsa inatur, saha sembah dewa ratu, titiang boya ada atma, titiang atma kari idup, nugrahan Betara Siwa, Hyang Panyarikan angucap.
111. Beneh saja inget jani aku, ken kandan ibane, apan suba mungguing tulis, lautang ditu mayub, Bagus Diarsa wot- santun, saget ada teka atma, mabred ada limang atus, anging soroh watek papa, ngenggih dursila kutila.
112. Munyine brekapak saleng sambung, paturunya atma, nyen ada buka kai, dira wanen tur teguh, duke mamegal di pu- tung, katumbak laut manyempang, ada lert atma masaut, kai dugane mangiwat, anak luh mangajak panak.
113. Panaknyane ngeling nagih mantuk, laut kapantigang, ta- gel baongnyane mati, ada buin masaut, kai dugane mange- pluk, ida gede baan rendang, dosan ida mapitutur, tuara ja kai kenapa, ken jani sang cikrabala.
114. Bakal lawan matigtig maamuk, maceleng-celengan, ada buin manyautin, sang Jogormanik ejuk, bakal tampah ebat patung, len ada mamunyi bangras, Betara Yamane ejuk, jalan guling gucecetang, cinadeg timpalang tuak.
58
