ngambekang kabrahmantiane, kene palania katepuk, malih katah katon atma, malb-lab mungguing jambangan.
99. Mangruduk maluab kedas kedus, watek yama bala, pada girang manujahin, baan suligi buluh, pajrit pada mangaduh, ento atmaning dursila, ambeknia kapada aku, maprih teken gelah anak, kirang taros lewih kroda.
100. Bagus Diarsa kangene muput, ngenot sarwa papa, sambil majalan narinding, tuara mangelah santul, kendel bane ada turut, nugrahan Batara Siwa, tejane muncar di nulu, cikra balene mamapas, pada nyamping tan mikara.
101. Sayan joh pajalane ndarung, mangajakanginang, sagetan katepuk, tiing, ategal samah atub, pakecapannyane ilu, ti tiing kadaden wadah, pepagan anake lampus, dini dadi idup samah, ana malih ngenah pandan.
102. Ategal maseen ngenah atub, yen pakocapannya, ento entikan anak mati, dini dadi ya idup, endut blegada katepuk, dalem bangese malekag, pakocapannyane malu, kadaden berekan basang, banyeh anake ne pejah.
103. Liu atmane ditu kalebu, lebih panyiuan, pakasol tong dadi angkid, lalang tajine liu, tajep lanying rurus-rurus, pacurangah bilang dangka, katuturannyane malu, ento reko kadadennya, ebok anake ne pejah.
104. Ada atma teka uli kauh, manyrit mangarab, maante gede ban besi, buta galungan iku, manigtig ngagel mamukul, ento reke atman anak, tan manaur sosot ipun, nepukin panca sangsara, lemeng lemah merigumandang.
105. Lamun linyok ageng papanipun, makebus malblab, di jambangan slengak-slengik, linyok ring sarwa pasu, dasa taun papanipun, yan linyok ring ida gede, kadi paembahing banyu, keto tepuk nerakane, pan ida maraga dewa.
106. Atina tan pacucu ya magantung, di tiing petunge, manglayang ampahang angin, mirib don kayu etuh, mangeling sawat di duur, ada buin ngenah atma, negak di padange
57
