140. Bagawan Narada sira muwus, suba pada iba, nawang sastra wruhing aji, mabasan muah makidung, kang atma sami sumaur, inggih titiang sampun bisa, makekawin muah makidung, Hyang Narada angucap, nah jani indayang.
141. Nep jani pada makidung, len ada mangengkal, mawirama makekawin, Hyang Narada amuwus, ada buin takonang aku, bisa iba masasraman, kang atma sami umatur, midep dewa ratu titiang, nah ke jani indayang.
142. Kang atma kabeh pada mabriuk, ngigel masasraman, padingkling pada padingkrik, ngambelang awak muug, Hyang Narada semu guyu, tumuli malih angucap, ada buin takonang aku, iba wanen ke makejang, dira pageh di panyudan.
143. Ento awanan pada nungkap ayu, menek ka suargan, Wisnu Buanane ungsi, kang atma kabeh matur, titiang wanen malih teguh, dira pageh ring payudan, Hyang Narada amuwus, nah ke jani indayang, masiat paturu atma.
144. Tumuli masurak surak muug, masiat-siatan, seleng gebug seleng gitik, di tegale maaduk, seleng kepug seleng tutug, rame muur makoyoan, Hyang Panyarikan tengkejut, enggal manyajag nyisuang, panggih Bagawan Narada.
145. Bagawan Panyarikan amuwus, iseng san idewa, atmane gocek ne dini, Hyang Narada amuwus, ipun sami ngaku teguh, dirawanen ring payudan, pangakun ipune ayu, sami managih ka suargan, duaning titiang mangadokang.
146. Hyang Panyarikan asemu guyu, wantah sapunika, arang atmane ne jati, atmane buin matambuh, tuyuh angkihe ngangsur, sami manunas carikan, Hyang Penyarikan sung bubuh, asidu sadiri soang, Bagus Diarsa kocapan.
147. Ngalajur pajalane asru, nutug bulun siap, katon murub beneh kangin, jeron Batara Guru, bencingah agung aluhur, wewangunan sarwa mas, Bagus Diarsa mangrantun, mararyan di jaba pisan, bulune ngraris kajroan.
148. Eling Ida Hyang Batara Guru, I Bagus Diarsa, rauh di jaba
62
