66. Kahyangan Hyang Saraswati iku, ulian sang pradnyan, brata widia wruhing aji, bisa angripta kidung, wenten kang malih kadulu, suarga lambung kidul wetan, merunia agung aluhur, atepnia anawa ratna, tambak laleyania emas.
67. Pucaknia manik abra murub, kniter-kiniteran, aring-ring cakomandui, cara-cara alangu, ana masning asri penuh, Kahyangan Betara Uma, ulian sang sampun putus, sai nga- we liang manah, pageh mangisi kadarman.
68. Asing dari mawelas iun, ana suarga muah, kidul kulon prena heki, merunia dening lancung, ramia kang wong istri ka-kung, wijah anginum amangan, ana ta angidung-ngidung, ramia pada gegonjakan, ulihan sang tapa brata.
69. Kahyangan Aswinodewi iku, ulihan sang sarwa, astakosa-la awredi, awayang muang anapuk, araket muang amindu, saluiring wang wruhing karya, kang angguguanin kasadu, ana malih punang suarga, lor kulon sangkaying madia.
70. Meru mas tumpang sawelas luhur, tambak laleyane, pari-gimas winten manik, suarga Biataranipun, Kahyangan Wesrewanu, ulihan sang dana patra, muang dana mas manik penuh, wenten malih katon suarga, kidul wetan saking uta-ra.
71. Meru atapnia sarwa santun, gepurania kembang, tambak laleyania sari, ring-ring jangga mrik arum, abra pucak-pucak pitu, tengerabia kuning kumelab, ring ganda aran ipun, Kahyangan Betara Smara, ulian sang satia biasa.
72. Amuja banten kala we ayu, apasaji sipat, lenga burat la- wan wangi, pahesan wohlan suruh, pisang kembang sarwa arum, anaraswati anawar, mati ara ring we ayu, ana katon suarga muah, ring luhur keananika .
73. Meru mas gepurania tatur, pinatiking ratna, mutiara we duryangrawit, kiti-kitira tatur, tan papremana alayu, binu- kubuku sarwendah, ring maniratnaran ipun, anenggeh pa lungguh ira, Betara Paramesiwa.
74. Ulian sang brambolo iku, ana suarga muah, aparek nggo-
53
