ne sumanding, merunia abra murub, tambak laleyanira gumunuh, wewangunan sarwa dumilah, abra dumilah kadulu, ika ta kaananira, Hyang Betara Sadasiwa.
75. Ulianing sang melandangiku, sih ring sarwa pramana, muah ana suarga lewih, merunia gung aluhur, tumpang sawela langu, atepnia sarwa ratna, parigi manik mas tatur, manik tambak laleyania, inuparengga dening mas.
76. Asri ajajar tang kayu-kayu, mahapawitraha, kalpataru araneki, arondon ing mas tatur, sinanggeling ganda mrik arum, awahwah tang sarwa mule, kembang wadurya bra murub, mirah winten manik maya, aran ring Gambirapadang.
77. Kahyangan Betara Kala iku, ulianing jagat, amedal melanten malih, sang Jalanangda iku, yan darma dibia ginugu, malih ana suarga muah, ring sornia meru tridatu, atepnia timah tembaga, tambak laleyania tembaga.
78. Suarga pada kahyangan Sang Pulung, ulian Sang Tiga, datu acukit adulit acoer ulah ayu, ambeke darma asadu, ana katon suarga muah, merunia agung aluhur, sarwa rondon atepnia, natarania welah arata.
79. Apucak manik abra murub, dumilah tejane, apadang raina wengi, ring windu pepet iku, stenana Batara Guru, ulian sang sida tapa, tiaga prabajita iku, amuja sukla pawitra, ana malih katon suarga.
80. Ring surikang Brahma pada iku, meru tumpang lima, gangga atepnia sinangling, ramia cemiang gumuruh, Treptipada aran ipun, Kahyangan Sang Nalakrepa, palan sang pancakrameku, ambek rahayu nirmala, akueh ucapen kang suarga.
81. Ki Wiracita mangke kawuwus, wiatara sawarsa, lamini aneng surga megil, brayan namtam kalangun, lania kekantenane adulur, widiadara dara gana, anom-anom bagus-bagus, lagu ne ngagayaman, apan wau babegeran.
82. Nitia lunga macengkrameng dalu, ring gunung Kelasa, suka denta majang sasih, amupu sarwa santun, arsa arumpukan
54