ring ersania, meru perunggu dumilah.
58. Tumpang sanga atapnia perunggu, tambak laleyane, perunggu anyar sinangling, kiris akilam ayu, Kahyangan Batara Sambu, ulianing sang akarya, amilepasing lelehur, ana malih katon suarga, ring ganeya suarga gangsa.
59. Meru tumpang sanga gung aluhur, kiris kilamaya, lawasa makapacremin, ring Indra pada iku, purin Sacipati iku, ulianira sang rare, suci jejaka tan letuh, pinaka kambanging kendran, wenten malih katon suarga.
60. Ring niriti suarga riti iku, meru tumpang sanga, samatepnia dening riti, kuning sama lan tatur, gandanika mrebuk arum candana guru lan burat, kasturi kumkuman arum, ring Rudra pada arene, Kahyangan Betara Rudra.
61. Ulian nira sang legeng tanu, sura ring laksana, satieng ujar tan piruani, ana malih kadulu, ring bayabia prenahipun, surga gangsa tumpang sanga, atepnia gangsa aluhur, aganjaran sarwa kembang, tinatalep katinglan.
62. Ring Wilasatia paneggahipun, Kahyangan Sangkara, ulian sang satia laki, muah ucepada iku, kang suarga punag aluhur, tan sama ring suarga kabeh, aneng madia prenahipun, merunia tumpang sawelas, ebek dening nawaratna.
63. Atepnia nawaratna sumunuh, winten ring pucake, ringrigania cakomandewi, ulese dewangga alus, katon dumilah bra murub, anganjaran sarwa kembang, tinata binuku-buku, anjrah tang sekar sridanta, ruru rinebasing kumbang.
64. Widiadara-widiadari iku, anampa paiasan, pada ngayat asenggani, ramianggamel angidung, pada mintonaken pangweruh, lawan kapradnyanan nira, ring Siwapadaranipun, Kahyangan Betara Siwa, ulian wetek pandita.
65. Sakti nolih tapa brata paguh, tatas ring kamoksan, ana suarga katon malih, lor wetan prenahipun, meru tumpang solas agung, abra sinang banging mirah, raina wengi umurub, gopura manik kumenyar, tambak laleyania dumilah.
52
