turakena wajik, tangan kalawan suku, gandaning dupa mrik arum, apan mangkana tingkahe, ring kadewatan winuwus, Ki Wiracita kawengan, apaning tembe umulat.
50. Tumuli angucap Sanghyang Guru, watek resi kabeh, lah diusen reke wong iki, didine mari letuh, wenangan sapelungguh, kalawaning widiadara, Sang sapta Resi anuun, tumuli ginawa ring luah, Suranadi diniusen.
51. Binresihan wus ingajak mantuk, wus jinaya-jaya, parikrama wus trepti, mahamreta ininum, dinaseman dera sang wiku, jati widiadara mangke, asalin rupa abagus, nitia sada aguneman, kalawan sang widiadara.
52. Bagus Diarsa jani kawuwus, muah Ni Sudadnyana, baan panake ngalain, tuara mangelah sungsut, tui darma pageh kukuh, masih buka ibi puan, jumah pakedek pakenyung, ada gawe magarapan, anging tresnane kaliwat.
53. Ki Wiracita mangke winuwus, wentenikang suarga, suka tan pebalik rusit, sai ngalang-lang kalangun, suka amangan angimun, anonton tang suarga kabeh, anak ta suarga kadulu, suarga putih aneng purwa, merunia atumpang sanga.
54. Atepnia salaka putih alus, laleyan salaka, maulap-ulap sarwa putih. Iswara pada iku, Kahyangan Iswara iku, ulian sang tapa brata, ana ta malik kadulu, ring daksina suarga mirah, merunia atumpang sanga.
55. Atep laleyania mirah luung, tejania dumilah, Brahma loka araneki, Kahyangan Hyang Brahma iku, ulian sang legeng kayun, purusa ring smaralaga, ana ta malih kadulu, suraga kuning ring pascima, merunia atumpang sanga.
56. Atap laleyania mas tatur, tejanin dumilah, ring Budalokaraneki, puran Mahadewa iku, ulian sang yasa dangu, apania sarwa druene, ana ta milah kadulu, suarga ireng ring utara, merunia atumpang sanga.
57. Tambak laleyania wesi alus, ring Wisnubawana, kahyangan Batara Ari, ulian sang akarya ayu, sura sareng ring ayun, bakti merhakening tuan, ana ta malih kadulu, suarga biru
51
