41. I Wiracita mamargi pungkur, munyine di cita, anak odah ken-ken jani, mairib tuara berung, pajalane tuara santul, awake nguda sih gepe, tuyuh angkihan ngangsur, ngamenekin batu pilah, sagetan rauh di pucak.
42. Linggah asah gununge di duur, makejang mangungang, suryane bau nadarin masaput-saput limut, sawat pangenahe ditu, rasa buka di pangipian, suryane sampun umetu, ngancorong tejane abra, dumilah nyuluhin jagat.
43. Mareren negak di duur batu, di batan nyambune, anake odah mamunyi, ne apang cai tahu, kaki dong manusa tuu, kaki Sanghiang Guru Dewa, mapinda jalma bungkut, tumuli masalin warna, trinayana caturbuja.
44. I Wiracita nikel ping telu, mendek angaksama, ring pada betara asih, ring ina guna kulug, tan weruh sor pengeluhur, apan manusa jatine, ling ira Sanghyang amuwus, karan ingsun apinda janma, temuduning madia pada loka.
45. Arep awaspadakena laku, ring ramamu mangke, wiakti pua ya purna radin, lah mangke kita mantuk, maring suarga lawan ingsun, adalan ambara mangke, Ki Wiracita wotsantun, tan bisa patik betara, adalan ambaramadia.
46. Ling ira betara iki dulu, tanganku aparan, katona de mu mangkeki, I Wiracita andulu, saksana katon tunjung, lah ini gamela mangke, I Wiracita wotsantun, aneda punang pangkaja, biakta asalin sarira.
47 . Neher lumampah angetan andarung, adalan ambara, Ki Wiracitaneng uri, muksa amor ring santun, ilang katon tan kadulu, ada samuhurta mangke, katon ring purwa sumunuh, kang suarga ring Siwa pada, tejane abra dumilah.
48. Sang sapta resi adulur-dulur, amapag betara, widiadara-widiadari, sapta resi gumuruh sangka sinranging garantung, sampun prapta ring bancingah, alungguh hyang Dewa Guru, ring padma mani suteja, pinareking widiadara.
49. Sang sapta resi aweda umung, pada ngastungkara, anga-
50
