manyadangang sedah, Bagus Diarsa angucap.
33. Ada pangidih dane tamiu, ne panak nyaine, i kaki nagih mangidih, diri-durian lamun, yen suba kelih nu idup, i kaki buin nguliang, Ni Sudadnyana masaut, titiang teka mangiringang, biana da panjang rerasan.
34. Idep ira mangingsanang ditu, apanga melajah, kapatutan ring i kaki, apang menga ring tutur, nawang teken kangin kauh, Ni Sudadnyana angucap, bina punapi ja kayun, gustine ring manah titiang, pada tresna mapianak.
35. Pada ngalih pajalane patut, cai pianaka bapa, iringang kayun i kaki, iring i kaki mantuk, Ki Wiracita maatur, inggih sandikan bapa, tumuli usan manyekul, kalih madaaran sedah, tikeh galenge kebatang.
36. Bagus Diarsa mamunyi alus, kaki kadulun, maatatan sampun wengi, ne cai Wiratanu, ne dini cai maturu, tongosin anake odah, Bagus Diarsa maturu, sareng nyai Sudadnyana, anake odah angucap.
37. Nyaan angan dauh pitu, lautang majalan, cai bareng ajak kaki, di jalan mungpung dayuh, apan doh selat gunung, di jalan panese liwat, tumuli kalih maturu, suba ada bu das lemah, galang bulan ngalemahang.
38. Anake odah bangun manundun, cai Wiracita, jalanke majalan jani, I Wiracita bangun, ngojog ka natahe tuun, manyongkok maarep kaja, manyumbah ring bapa ibu, tumuli raris majalan, marerod bareng ngakanang.
39. Di margine suung tistis sampun, suba liwat desa, pajalane beneh kangin, carik abian kapungkur, tegal padasan kalangkung, nyujur ka Werajenggala, galang kangin kedis muug, tadah asih amlas arsa, kekere ngatag raina.
40. Tuu-tuune sawat karungu, lawan kete-kete, carukcuk munyi anguci, raris munggah ka gunung, gunung Kelasa adan ipun, maggane likad menekan, anake odah nyaructut, tuara santulan majalan, ngamenekin rejeng pilah.
49
