nganan.
25. Umah titiange di pucak gunung, dangine manulang, sig Surya Candrane mijil, sig tongose sumurup, kubun titiang tuwah abungkul, makekayon kayu jarak, mulu kangin magegumuk, genah badan kambing titiang, papitu tekening pianak.
26. Titiang ngurung ayam tuah tatelu, kari bajang-bajang, ulesipun becik-becik, sa kedas sandeh jambul, mata linglang godeg sangkur, tegil lingker koping barak, ne sikian ules ipun, klau barak suku dara, sandeh koping ipun barak.
27. Suku putih kadi manik banyu, ne malih sikian, biing selem kuping kuning, rerajah mungguing suku, suksuk kuning kadi tatur, jambul barong godeg maya, Bagus Diarsa amuus, to kalahin kaki luas, dening suung di jumah.
28. Tong duga ke anak kema ngrusuh, mamaling mangrandah, tidong ke makejang bresih, anake odah muwus, inggih titiang sampun tau, sampun jangin titiang tumbal, lamun wenten maling rauh, manyemak ubuhan titiang, ipun seng kok mata kijap.
29. Jarijin ipun kiting cakir piuh, I Bagus Diarsa, kedek tumuli angeling aris, nyai suba ke puput, to ada siap aukud, kema gorok laut panggang, ne istri mangorok gupuh, i tua raris angucap, gusti ambilang jua titiang.
30. Bulun siape nika ne bau, ambil tigang lembir, baktaang titiang mariki, I Bagus Diarsa laut, tubadah mangaba bulu, anake odah angucap, rarisang gusti baduur, seletang di raab sanggah, kamulane mulu kaja.
31. Mani puan lamun gusti kayun, kapanggih ring titiang, nika bulune tuturin, lebang ring marga agung, tututin saparinipun, rauh ka kubun titiange, I Bagus Diarsa mesaut, ngaba ka sanggah nyeletang, nekepang apang da ilang.
32. Ne mangkin daare sampun puput, I Bagus angucap, dong mai kaki masagi, i tua lingnia muwus, margi sareng gusti bagus, tumuli raris madaar, ne eluh ngayahin gupuh, suba
48