17. Ulednyane liu pakelejuh, buyung masliuran, buka nyawane ngababin, pelis matane liu, maceh-ceh marabu-rabu, manyongkok raris mangucap, gustin titiang dewa ratu, titiang manunas lungsura, basang titiange bes layah.
18. Bagus Diarsa mamunyi alus, mai ke menekan, bareng madaar kaki, i tua lingnia alus, titiang mindah dewa ratu, titiang manunas lungsuran, Bagus Diarsa masaut, nah kaki mai menekan, bareng ken tiang madaar.
19. Apan titiang kaki saja tandruh, tani nawang wangsa, tan druh ring sor pangaluih, lagut kakine gud-gud, tua bungkut buin berung, kemad saja baan titiang, mambaang kaki manglungsur, tumuli raris kajemak, kapredi kajak menekan.
20. Tabe titiang gusti dewa ratu, titiang jadma jele, Bagus Diarsa nyautin, manegak kaki ditu, tumuli bareng manyekul,dagange mangadesemang, ngalen mata mecik cunguh, kalih enak madaaran, daar ulam tuara kirang.
21. Tumuli usan dane manyekul, madaaran sedah, i tua amuus aris, gusti titiang maatur, ne mangkin sampun das dalu, dekah titiange mangentah, boya dados titiang mantuk, titiang nunas madunungan, titiang mapamit ne benjang.
22. Bagus Diarsa raris ngajak mantuk, suba teked jumah, masan anak ngenyit sundih, Bagus Diarsa amuus, ne jani nyaimatamiu, kema dabdabang manyakan, ne eluh encong manguwup, ka paon raris manyakan, Bagus Diarsa meneman.
23. Satua tani kangin tani kauh, maideh-idehan, saget idup saget mati, anake odah muwus, gusti titiang lintang lucu, agung pinunas titiange, buat ican gustine nulus, anak gusti tunas titiang, ajak titiang mantuk benjang.
24. Pungkur lamun dane sampun duur, titiang mangantukang, kalih ngaturang ring gusti, apang wenten manunggu, kubun titiange di gunung, kala titiang nenten jumah, titiang jat luas manganggur, ka sisi tukade kaja, ngalih ong pacang ja-
47
