ingong, i ratu ngawonin titiang, ambilke titiang dewa pisan bareng-bareng lampus, manguda titiang kariang.
27. Yan pangandikan i manik, makaronan jele melah wastu banya dadi kene duh engken batarane ica, sarengang ugi titiang, diastu hala luah ayu, apang masib jua makundang.
28. Sampun katur ring urepati, miwah ring pramisuarya, santukan banget laline, tuan Mantri makayun tina, gupuh sri naranata, malayu ka taman santun, pramiswari nanten ajya.
29. Paduka matur madewi, sami saisining pura, telasan ka taman reko, sampun jauh jeroning taman, sang prabu pramesuarya, ningalin layon imantu, gawok nrepati tumingal.
30. Sri pramiswari manangis, lewih ta ida sang nata, kagelut-gelut layone, wekasan ida ngandika, apa kerana idewa, ngariang di taman santun, bapa lintang tan huninga.
31. Yan i bagus ngajak rabi, tur warnane lintang esak, jani kenken ban abete, ne nyedayang suba pejah, yan pandayan i bapa, tan lenan i Galuh Limbur, ia tuah mangawe pahekan.
32. Nyen salahang selsel jani, biang ibaguse wantah, maka karana buka kene, data i Limbur paekang, anggo mantu i tintah, samanya ngubuhin lutung, yan jungjung sumingkin murka.
33. Yan saka ring dewek ugi, I Langlangduta nyedayang, ejohan ka langit reko, apasa kita ngamanah, ne suba ton bapa, ni Limbur ngesengin mantuk, tuah ento paekananga.
34. Tan kacarita iriki, tingkahe manandang lara, di Nusambara kocape, Raden Mantri kacarita, anengguin ta wastannya, raden mas tilar nagantun, apan tinila ring raka.
35. Pakayunane tuan Mantri, lunga ka gili Kancana, mangambil raka kayuna, bilih sih kari uripa, mapamit ring sang nata lawan ring biange sampun, nanging tan kaican lunga.
36. Sereng mapamit tuan Mantri, taler sang nata tan ica, kalaning tengah wengine, ida mangerangsuk busana, mangangga kakawotan, lan okane sira demung, wong kembar reke punika.
37. Tur kaeman maka kalih, warnane ngeresang cita, I Siung Ca-
101
