16. Saliupe pada sedih, kangen ring ida sang lina, kedise pada ngeling umor, makeber makuyayangan, lan siisining alas milu sedih ring sang lampus, gununge milu masatya.
17. Uwug raris paramangkin, pasihe sedih mamuntag, mantig ya di parangane, tan carita punang samba, dening kirangan lontar, titiang mangawe kidung, kocapang ida sang tina.
18. Sampun katur ring tuan Mantri, yan raden dewi wus tina, linane karancab reko, I Langlangduta nyedayang, ipun ilang sang duta, katutub sampun lampus, gebagane ngamademang.
19. Tan pangandika tuan Mantri, eling kangen ring tuan dewya, anging kalintang wedine yan paksa lunga ka taman, Ni Limbur raris ngucap, depang kuda ia lampus, masa beli kuang apa.
20. Sakayun beline ugi, titiang kemawon nyandangang kamben saput titiang beken, diastute di pasarean, sok bahan ping limolas, apeteng titiang tan kengguh, sarate beli kewala.
21. Nyandang beli mangenemin, titiang tuara matulak, jalan beli madaar reko, titiang nunu pacang daarang, kuluk ada limolas, lawan bikul palekutus, tuan Mantri raris ngandika.
22. Madahar gusti mas manik, titiang ne nyanan madahar, Ni Limbur madahar alon, ngeyeg tan sah di pabinan sampun jangkep abulan, baya ganti tuahnya luntur, guna ilang malaradan.
23. Mangkadi sasapi putih, makebur ngaja kanginang, tuan Mantri lintang melinge nyingak Ni Limbur luir bijal, raris ida nuludang, Ni Limbur labuh nyaruduk, tuan Mantri malaib enggal.
24. Tan sah mnolih kuri, sampun rauh jeroning taman, mangojog layon rabine, sambil manangis, rahadian, sarauhe irike ke rurube kalukar sampun, kaentungang tengahing natar.
25. Katingalin raden dewi, layone kadi uripe, luir sang Supraba nglalepe, tekaning beseh tong ada, katelektekang kacingak buka kedek ulat kenyung, tuan Mantri nyaup mangaras.
26. Aduh jiwa masku ari, susuhan atma jiwa, lalis san gusti mas
100
