5. Astiti bakti ring beli, tan kadi titiang wong sudra, bangga bonggan ewer, ngawisianin kayun satata, mangkin sampun kasadian, beli antuk putri ayu, katrimen oleh ibiang.
6. Nging besuk titiang mabalih, beli uli kadituan, sapunapi pamanggihe, puniki drewene katih, sami tileh makejang pangandikayang mangerarut, aturang ring ida esak.
7. Yan sih titiang kari urip, amedang tong duga ical, mangkin titiang wus makaon, bilih ipun wenten ilang, dening titiang ngelah nyama, ipun reke lintang dusun, ica beli geng ampura.
8. Rahe raden deres mijil, miike ngebekin taman, sampun das lemah reko, rame kedise ring kayuan, sira raja juwita, rakane paraning kayun, raris mangaturang sembah.
9. Pangidepi ring tuan Mantri, waspada kapendak tingal, sausan ngabakti raden, anuli seda sapisan, umiang tangis di taman, luh muani pada ngelur, lewih I Rasadria.
10. Sentul Soka pada ngeling, sasedane tuan dewya , prabawane pramangke, ujan angin tan pasangkan, peteng tan palinggaran, ketug linuh kuwung-kuwung, gerehe mirib ngendehang.
11. Wus kasimang tuan dewi, rinuruban sutra petak tambuliling ane umeng reko, pada ya ngabayang sekar, rinurubing bramara, mangerurubin baan santun, genep sawarnaning bunga.
12. Samian ne di taman sari, bungane sedih makejang kadi salung-lung idepe, melanin pada mapulang ulung nepen talaga, rasanya malabuh banyu, gadunge makyayangan.
13. Osah tong polih malilit, nyalempoh nongos di tanah, kawales asih ya katon, mangeling mapulisahan, sanga langite osah, sing jalan-jalan mengerembun, telenge masawang sigsigan.
14. Malilit di ampel gading, kaungkulan ban cemara, tempuh angine masiok, mirib ia masasambatan, pudake manyengisang, kebus bungane makubun, ngerasa awak tan pakarya.
15. Bakunge mayang mangeling, manuding nagih antosang, lan padapa angsokane, osah ia di patongosan, gambire pasurambiah, mirib ya sedih manutug, pada masowang-sowangan.
99
