pisan.
47. Tuan dewi enak anidra, gagulinge katimpahin, warnane mulan pumama, kasuluhan damare rawit, rasa buka tong dadi I Langlangduta manyuduk, ya kuduan ken pangupah, dening ya jadma ngalidig, manerajang, manebek ngelenang mata.
48. Keni dadane tuan dewaya, getihe man coran mijil, kagiat manyerit tuan dewya, managih tulungan gelis, gebagane nyagjagin, I Sentul mangunus duhung, manutug manyajayang endeh pada manut buri, katutugan, reke di jabaning taman.
49. Mabriuk pada manumbak, I Sentul nyohcoh nebekin, I Langlangduta wus pejah, raris ia matulak gelis, nyagjagin raden dewi, elinge rame gumuruh, Ni Rasadria tan sah, manyundang ida tuan dewi, lan I Soka, gupuh mengengkahin kama.
50. Meting sih raja juita, adi ayu da jua sedih, Sentul Soka apang melah, patapayang awak dini, embok tan wangde mati dening wus pamancut tuduh, nyen sih bakal selselang, duh suba buin apalih, manutugang, tuuh da manggih sangsara.
VII. PUH SEMARANDANA
1. Tuan dewi raris manangis, sasambate amelad prana, rakane kahame-ame, sapuniki ko wastunya, sinengguh titiang wantah, sakadi telenging kayun, i beli manjakang titiang.
2. Enak beli mukti karasmin, titiang mapamit sapisan, tembe pilih nyadma kaot, titiang nutugang mamanjak, diastu ping sapta bara, apang masih jua katepuk, pilih yan titiang manjadma.
3. Kampuh sutra nene putih, punika pamitang titiang, maka rurub titiang reko, anging sih yan beli ica, yan titiang sampun pejah, mantuk beli ka taman santun, watangan titiange cingak.
4. Yan sih titiang kari urip, sampunang ugi ka taman, tan wangde mangdadi gujar, apang sampun rupa titiang, manggawe pasewala, ring rabin beline ayu, ngenakin cita satata.
98
