can karasmian, raden dewi mesem ida mamiragiang.
39. I Sentul sada pradata sabikase katur sami, raden dewi nabda alon, nah depang san kuda cau, dening ada nyendinin, putrine kalintang ayu, dening awak kawawa, kenken baan sakit ati, yadin buka, borbor pinehang di cita.
40. Tan kacarita di taman, Ni Limbur kawuwus malih, tan sah reke di pabinan, munyile tuara da gigis, dening mupu akikit, mung sakalane kaitung, niskala tuara tawang, suga neraka tuah dini, yan dreman, baan somah ento suarga.
41. Yan banya katamporatang, nengil manongos di ampik, ento waspada neraka nyen ja tahune di eri, sok kasukane jani, onyang sabikas kalangun, anging ada kasekelang, di citane sai-sai, ban rakane, sampun reke marabian.
42. Lawan putri ayu lintang, mangerasanin ne di ori, lamun nya satata melah, gunane nyusup malilit, masa ya noli istri, nyanan jalan nyane luntur, tan wangde kajangklekang, and bungah ban manyilih, yan urangka, melahe ban papolosan.
43. Nyanding pelet Belangbangan, jamprah tur ia lintang becik ne jani alihang paekan, urug baan emas pipis, dening awake sugih, masa ban nya kuang ebuk, Raden Mantri manidra, Ni Limbur ngenken ngasengin, jadma duta, madan I Langlangduta.
44. Tuara sue sampun teka, I Langlangduta di puri, manegak di babataran, Ni Limbur ngisi-ngisihin, Langlang duta dog burig, emboh tuag ngidig tulug, mati kemag enggalag, madug embog di tumag sarig, yagyag matig embog maag caig jinag.
45. Bisa cai manayanang, embok mupahang aketi, tur sing ada pacang baya, desannya bisa mandesti, cai poma pang silib> da wera kema suduk, embok tuara kuang apa, apa ja budiang cai, Langlang duta kuduan tiken pangupah.
46. Sandikan idewa ipan, titiang manunas mapamit, raris ka jabaan enggal, watara wus tengah wengi, Langlangduta ma- ngeraris, mangojok ka taman santun, sirep sami manidra, adihi, tuara ngendusin, Langlangduta , ngararis ka pasaren
97
