Kaca:GEGURITAN MEGANTAKA.pdf/94

Saking Wikisource
Kaca puniki kavalidasi

ngiring, mapanekel ikut lutung, asin babungkung timah, masoca mute di kacing, tur magelang, kocap baan kakuningan.

31. Gagandane racik sia, isen jae lawan kunyit. gamongan umbin paspasan umbin gadung, umbin teki, kalawan umbin kaladi, biluluk anggon mangeratus, sampun ngarangsuk busana, mapasang guna di alis majujuluk, ketog titih jaring bukal.

32. Mantrane telung suahan, punika tong taen belit, madan dongkang makecos, maserana ngecirang kacing, sampun mapasang sami, tan kocapan nyai limbur. Raden Mantri kocapan, ibuk kayune tan sipi, yan mamindah, jirete ken i biang.

33. Wus surup sang hyang Aruna, ngandika sri pramiswari, ngemban mboke ajakang, roang ingembane sami, ka aryan apang gelis, papagin i nyai Limbur, i ngemban mapangarah, tedun raris ia mamargi, len prawayah, rabining mantri punggawa.

34. Teked di jero kaaryan, Ni Limbur sampun kambil, tan kacarita di jalan, sampun teka di jero puri, Raden Mantri ningalin tumuli mapag dulu, Ni Limbur sawang erang, makejit alise liglig, Raden Mantri, kena guna upas mandar.

35. Prajani ida ginggang, katon ayu ngalik-alik, rasa tuara ada pada, Rahaden Mantri nyagjagin, saha wacana manis, duh jiwan titiange ratu, i manik atma jiwita, pamupulan madu gendis, melah montog, muluk bangkite mangonyang.

36. Manyaup paksa nyangkolang, magiet-giet Tong dadi, makiselan tuara ada, penyeroane manulungin, watara selai diri, masih ia mangerasa tuyuh, sampune di pamereman, enak pangeraose kalih, dene Limbur, mamanying managih sepah.

37. Tuan Mantri mangaras-aras, asung sepahe waja merik, Ni Limbur narimeng lambe, tan kamarita karasmian, Ni Limbur tuara uning, kadi anak banget lesu, katiben semaragana, kadi wong pratameng gati, kadi rasa, lenyeh buah ko tong ada.

38. Tan kacarita punika, tingkahe jani karasmian sampun reke limang dina, kawuwusan raden dewi sampun ida miragi, rakane sampun matemu, lan I Limbur tan pegat, reke maka-


96