ling wastana, sampun kaicen panganggya, lan pangayah, sanunggal, madan I Malang jujur, punika nene kajak.
38. Sampun mamargi tuan Mantri, mijil saking jero kadatuan, tan ngantun reke lampahe, manuju ngelod ngauhang, nagara wus kauhan, pamargine sada narung, meh sampun rauh ring alas.
39. Tatas rahina tumuli, umung kedise ring kayuan, kaler paksi cangkoreke, kakuruyuk nyane sawat, rahadian tan pararean, manyusup ka alas agung meh nunggap alas larangan.
40. Rahaden Mantri miragi tangis, sasambate ameled prana, rahaden nyagjagin age, kari adoh katinggalan, manegak di duhur batu, tuan Mantri raris ngandika.
41. Kaka wang apa ne dini, mangeling tengahing alas, I Siung Caling ature, batang titiang wong kalaran, nah jalan desek kema, raris mamarin sampun, rauh irika rahadian.
42. Katingalan ne manangis, wamane masawang bulan. luir Supraba warnane, eman ia tengahing alas, rahaden mangandika, sapa sira jua i ayu, tur nangis tengahing alas.
43. Tur paragayan iriki, masaut ne katakonan, tan pasangkan titiang reko, di nagarane ring kuna, singgih raja Balkap, titiang kaputusa tuhu, de nira dewi asmara.
44. Dewi Kuresi kang bibi, dening titiang ngutang awak, satiba-tiba parane, titiang kapiserang dahat, dening bibi lan rama, katerimayang ring wong kakung, anging ta rupane nista.
45. Berung suku maka kalih, tur tani goba jim katah, ratuning jim dudu reko , punika keranan titiang, rauh ka mrecapada ne mangkin sing suka nuduk, irika titiang ngawula.
46. Yan ibeli durus asih, mamanjakang jadma papa, anging titiang lintang kaon, tur goban titiange nista, nging titiang geng ampura, dening titiang lintang dusun, rahaden Mantri ngandika.
102
