irika ida malinggih.
33. Manangis masasambatan, tan lian reke ida raden Mantri, manados paraning kayun, duh kadi di pangipian, baya dija titiang kapanggih ring beli bagus, pisan pejah makaronan tan wenten malih rasanin.
34. Diastu ring yama diloka, titiang ngiring lewih tan manggih becik , kalingane titiang ratu , lintang nirdon manjanma , mung suba lan sahuripe nandang sungsut, duh tinggalin titiang dewa sedih kingking padidihin .
35. Agung sih pinunas titiang, ring batara yan ica mamising gih, yan i beli sampun lampus, sampun malih benjang puan titiang ambil ne mangkin ugi manutug, yan beli nyeneng sing genah, apang titiang sareng beli.
36. Yan boya keni kapendak, bareng mati besuk manjadma malih, taler beli dados kakung, baguse tuara da pada, titiang tan sah tumbuh dadi istri ayu, apang masih jua makarma, bareng mamukti karasmin.
37. Dadian sewes pandadosan, lamun titiang tumbuh mandadi sari, tur miik mangalub-alub, i beli mangdadi kumbang, tuara pegat, mangisep sarining santun, yan titiang mangdadi jaka , i beli gadung kasturi.
38. Melilit mkunda-kunda, lewih i beli mandadi ampel.gading titiang sangga langit ngerembun, ngerempong merih kauban lamun beli mandadi cantaka ngelayang, titiang nyusup dadi ujan, tan mari ngetisin ai .
39. Yan beli dadi sagara, titiang perahu yan beli dadi angin titiang mandados den kayu, jalan bareng satiba, lamun beli. mendados ulam di laut, titiang jukung pamancingan, apang masih jwa kapanggih.
40. Yan beli mandadi gita, titiang rontal pang masih jwa kapanggih, i Sentul olas ngarungu duh dewa susuhunan, nunas ratu mamargi kalanya teduh, yan wenten batara ica, tan wangde wantah kapanggih.
41. Rakan i ratu ring wekas, yan wenangkin tan pagawe iriki,
82
