nunas pasisine tuut. yan margining ka tengah alas wayah. taler katah bedan ipun, rahaden dewi ngandika, nah jalan raris mamargi.
42. Pamargine malonlonan nolih kori rakane jua kaesti, rasanya teka manutug, nyaup-nyangkol ngaras-aras, angin alon mamuat bon bungane arum, enjunge nyukur katinggalan, masawang bale kaaksi.
43. Mabah abah sarwa endah, maialangse ombake nene titir, lumute kasampeh liu, masawang tikeh makebat, tur makasur bulung-bulunge ne anyud, kange ne pacuranggah, masawang togog di samping.
44. Katon bantange pajempang, luir papedek kalawan galeng guling, bungan angsanane luung, baan goban nyane nyarab luir laluhur dening mawama kadulu, pandan wonge makembaran, bungan nyane seleng susunin.
45. Katon kadi pangantenan, jeroning langse iyake nene tarik luir peluh ne istri kakung, dening usan ingaras, sangga langit mangrembun di batan kayu, kadi roma masurambyak, pusuh bakunge nyunggarin.
46. Sayan doh ida mamarga, mamasisipa kakalihan ugi, liu kalangene tepuk, dening ya sasih kapat, tan carita lampahe rahaden Galuh, meh wus surup diwangkara, rawuh ring sukuning ukir.
47. Kocap irangda kasihan, wong padukuhan anging ia lintang miskin, tur mangelah pianak eluh, adihi sada melah, adeg lanjar selem sedet sawang nyunyur, liu anak mangerutang, anging ya tong kena kokih.
48. Maparab I Rasadria, sedek kayeh sareng kalawan bibi, sada kagiat ia mendulu, ring tuan Galuh mamarga, meme enyen anake eluh lumaku, tur ayu wamane lintang, margi ke takonin gelis.
49. I Rasadria angucap, aduh gusti tan weruh sawiakti, baan tumbene katepuk, i gusti sapa sira tur kejaha pamargine sada nyunut, eman san pakakalihan, tur marencang anak alit.
83
