kenakan , lan pawongane sami.
23. Pada jenar luir gadunge kujanan , pecake panes sahi, manongos di tegal, ngentak entak satata, sami sukane tan gigis, wus surup surya , sami munggah ka banawi.
24. Saluwire babaktane tuan dewya, telas kaunggahang sami, tekaning pamereman, ida tan sah pakalihan, tuan mantri lan raden dewi, dijoli-jolian, pasarene merik minging.
25 . Masare tan sah mekul pinekuian , angingi raden dewi, kadi krama sekar, dereng ia meyang mekar, kari pusuhan agigis, tonden mangerajaswala reke sang putri.
26. Wayahe reke tuba dasa temuang, tur ya sangsara deriki, tan tingkah mautama, amung ingaras-aras, dening usan pada kapti, istri lan lanang kalih sedeng ngayonin.
27. Masare tan sah mekul punekulan , anging ta raden dewi, tan mari prayatra, tan len ne asikya, kekerane katangarin, pangda karubuhan, raden Mantri wus uning.
28. Benjang pasemengan raris nyabut manggar. palayare narisdis, wus tengah arungan, saking bedaning widya. tan pasangkan kaget prapti, angine baret , perahune muntag-mantig.
29 . Raris tingkeb perahune di tengah arungan tan wruh tingkahe sami , kaguling ban iyak , baitane wus bencah, bandega juragan sami , masowang-sowang , katah pejah ring warih .
30. Ada negakin dayung, ada negakin papan. kocap raden dewi belas lawan raka, kari di joli-jolian. bareng parekan asiki, kalembak-lembak , kaanyudang baan warih .
31. Raden Mantri ida ngalinggihin dayungan , lan parekan asiki, ni Nginte wus pejah, len rencange asikian, kawarna ida tuan dewi tengahing segara. sampun kampih ka sisi.
IV. PUH PANGKUR
32. Kocap tiba ring Melaka, wenten enjung irika ida kampih , sampun kadahat tuan Galuh. kalih lawan parekan wenten batu kungkulan angsana mayung, tur panedeng ya mabunga .
81
