besuke, wus ke nak ida sapisan, tan bina kadi kuda, batara Nini wus mantuk, ilange sapandelengan.
16. Tuan dewi ngandikeng ati. kalingane twah batara, ica hurip ring kalaron, Ni Nginte lwan pawongan, sami mekul rahadyan, tuan dewi ngandika halus, meme Nginte kenken baan .
17. Seduk san nira ne jani, apa ada pacang daar, buah tingulun lan ahane, ento petalihang nira, sing nya dadi etisan, basang nirane bas kebus, i Nginte raris mangalap.
18. Sampun katur ring tuan dewi, kaajengang ta punika, usan kaajengang reko, woh tinggulun lawanaha, polih reke etisan, weteng idane tuan galuh, kenakan merasa ring cita.
19. Meme Nginte jalan mulih, manguda sih makelasan, di pulene penah layah, sai madaar woh-wohan, duh dewa sasuhunan, sampun mangerawosang mantuk, buin pidan nampak nagara.
20. Dening takakutang mati, idewa tan tulak budal, malih ka nagara reko, yan tan tembe bwin manjadma, malih ka mrecapada, raja juwita semu mangu, tumuli raris kaemban.
21. Tan sah mangalihin gili, katungkulang ban wowohan, woh sentul kalawan sabo, madaar masasambatan, biang sori dong cingak, titiang nandang kawelas iyun, enak san biang di pura.
22. Lagute sugih mas pipis, tuara meting ken pianak, ngentungin baas acceng, subanan titiang kakutang, ana di nagara lian nguda di giline tambus, idupe nandang sangsara.
23. Adi bagus guru aji, boya meling ke akedap, tundenang meriki maninjo, sakit san titiang naanang, laya bulan-bulanan, yang gemes pisan suduk, nguda sih kalara-lara.
24. Mati sedih tan pabukti, sapa sira pacang olas, duh tan pandewasan reko, titiange di mrecapada, nging titiang sakewala, jan i mangemasin luput, i guru lawan ibiang.
25. Sampun surup sang hyang Rawi, taler manangis rahadyan, di biase pajalempoh, tan kacarita punika, polahe raden dewya, di Giri Mas kawelas asian, anganti len cinarita.
78
