III. PUH DURMA
1. Kacarita raden mantri mangelalana , anging mangambah banawi, okan ida sang nata, saking Ambara madia, baguse tuara nandingin yan di nagara, karaning maninggal gumi .
2. Kapragili ida mangambil wanodyah, anaking manca mantri , lan pyanak punggawa, ida tan kayun pisan, punika dening manyilib, lunga ngumbara, wenten wus kalih sasih.
3. Ambapati reke pungkusan ida, tan pakadang ida mamargi , mung reke kaula bandege lan juragan, miwah parekan asiki tan pararian, melayar dina latri.
4. Pulo Timah pulo Tembaga kalintangan, yan Pulo Purasani, pulo kakuningan, pulo Cangceng salaka, sami pada wus kauri , katon manyarab, pulo Emase maninggil.
5. Raden Mantri ngandika ring pun juragan, ento ja tuju jani, di pulo Kancana, jalan ditu macangcang, kola tedun apang uning, ring pulo Emas, dening kola tan uning.
6. Apang ada anggon tuturan di jumah, ring besuk sing nya urip , neng akena saksana, tuan Mantri ne malayar, kacarita raden dewi, lawan pawongan menginyah di pasisi.
7. Maningalin sing nya ada perahu teka, kampih mangalih warih , dadi katingalan mangkin ikang baita, palayare ngung si gili, alon ngandika, sira rahaden dewi.
8. Mema Nginte ento ada perahu teka, pangojog nyane mai aduh dumadakan, putusan dane i bapa, mangabayang sangu mai, yan perahu dagang, tong duga ngojog mai.
9. Diastu perahu lenan nira manumpang, kewala napak nagari bas tong nyandang pisan, nira dini mapasah kawama ikang banawi , sampun macangcang, katon ne di pasisi.
10. Tuan dewi manangis nyagjagin enggal, lan pawongane sami , sarauhing baita, malinggih di pabinan, ni Nginte pada ngeling aris, sasambatanya, twi mangerasang ati.
11. Tuan Mantri kelintang kagiat tumingal, maningalin raden dewi, wamane dumilah, tur nangis masasambatan, raris
79
