kimalan kekehan, yuyu lawan bungan kahang, gurandange pasurambyah watara wus dawuh telu usan makakarang budal.
5. Mangungsi pondoke gelis, epot manunu mamanggang, raris kadaar kimane, kekehan lawan gurandang, anging tan wenten daar, mungpuniku bena sekul, bas kadawegan madaar.
6. Tuan dewi wetenge sakit, mangilut tur ngebus baang, ma- ngaduh pati dulame, dewa ratu mati titiang, tulungke titiang dewa, punapi duaning kadurus, mamidukane ring titiang.
7. Ni Nginte manyembar gipih, sambil mametekin madia, pa- wongane karo epot, pada mangulugang odak, cokore raris maodak, sayan kaleson tuan Galuh, paringete deres medal.
8. Ni Nginte kagiat gipih, mangeling ngengkahin karna, duh mas mirah gusti raden, punapi jwa jani makada, panengkane dadakan, dumadak sih dewa ratu wenten batara ica.
9. Tuan dewi sayan kapati, tan meling ida sapisan, tan pendah layon ragane, raris ida maprabawa, ketug linuh lan teja, guling lawan kuwung-kuwung, teja ngadeg papajeran.
10. Kilap alit riris alit, linuhe ngelurug patala, batara ini kocape, sedek ada di pamerajan, malinggih pararagayan, pangandikane ring kayun, apane jani makada.
11. Linuhe sadina titir apane ngelah prabawa, kalintang celang kayune, raris ida mangagana, turun ka mrecapada, sing nagara agung kajujur, sami waluya awaras.
12. Mangeraris ida ka wukir, alas tegal kalintangan, tan wenten punapi tinen, raris ida ka samudra sing gili tinungkapan, rawuh ring pulo mas sampun anuli raris kacingak.
13. Tuan dewi kawelas asih, tur katibenin panyungkan, batara tumurun age, malingse dadi manusa, mairib pararangda panganggene putih alus, nging tan wenten katingalan.
14. Ameng ta ida tuan dewi, waspada ida macingak, batara Nini sabdane, mung ta ring angen kewala, kalingane nenen, ngelah prabawa ne agung, dening ya manggih sangsara.
15. Tur katibenin sakit, duh wastu waluya waras, manggih rahayu
77
