Kaca:GEGURITAN MEGANTAKA.pdf/74

Saking Wikisource
Kaca puniki kavalidasi

wus cemawis, kasanguin, kocap beras tigangatak.

24. Kalawan panyeroan dadua, tatela lan I Nginte kari, lan wastra kotak-kotakan, papet sangkuhub sami, pinggel lan ali-ali, masoca ratna ne luung, len to masoca nila, pangkajane ne kapuji, ki patih, mapamit ring raja juwita.

25. Kari ke cokor idewa, titiang manunas mapamit, tuan dewi tan pangandika, kewala masawur tangis, kocap rakriana patih mange ling ia gelur-gelur, lan juragan bandega, miwah pangi- ringe sami, pada sedih kangen ring sang kajentaka.

26. Rasa kadi megat jiwa, maningalin raden dewi, wus manggah pada ring palwa, nyabut manggar sambil ngeling, palayare tan gati, abot tekaning perahu, sampan adoh kang palwa, tan kawuwusan i patih, ring sagara, sampun tedun ring baita.

27. Pada mantuk sowang-sowang, kawuwusan raden dewi, kari ida papatpatan, tinilaring sanga patih, wenten wus linang sasih, lawase reke tuan Galuh, yan lemah makakarang, nya- bran ngilehin pasisi, lan i Nginte, miwah pawongane dadua.

28. Katon gunung Nusambara, masawang matra, kahaksi, adohe tuara sapira, wyakti ya mandudut ati, ambubune nyaputin. tuan dewi semu mangu, lengleng anawang tingal, wekasan ida manangis, sasambate mung ibu kalawan rama.

II. PUH SEMARANDANA
1. Guru aji biang sori, adi tingalin kuda titiang, sue san nan- dang kalaron, sukayan ngemasin pejah, tan nyandang kajentaka dong ampura titiang guru, punapi sih luput titiang.

2. Bas sue san sapuniki, mapasah tengah sagara, kuda bulan jwa sengkere, meh jangkep atemuang, tur sangun titiange telas, dija ha titiang manyekul, nyen sih anake olas.

3. Pawongane sami nangis, lintang pada kapiwelas, i Nginte raris ature, aduh dewa sasuhunan, sampunang kuda i dewa, cokor iratu kadurus, mangame ajin idewa.

4. Raris kaemban tuan dewi, sambil pada makakarang nuduk

76