buncalang pang gelis", ida sang prabu, langkung emeng mira-
giang.
16. Wekasan ida ngandika, megat kaseleking tangis, nah suba nira
nuhutang idep irane ne jani, ngencak winten apeti, kapi
kenten baya tuduh, nah kaka jalan budal, nira mapineh di
ati, rakrian patih, mapamit saha wet sekar.
17. Tumuli raris mamarga, ten kacarita i patih, sang prabu raris
ngadaton, munggah ring paturon agelis, tan lian nene kagulis,
karaosang di jeroning kayun, meng ta ikang atmaya, dening
sayang hyang Semara.
18. Ne istri ayu kalintang, tan pendah kadi hyang Ratih, kadi
sekare apasang sang prabu raris ningalin, saha waspa umijil,
semu tangis tan amuwus, ngarasa tong raris ngutang, dening
eman maka kalih, punika sang prabu kemengan ring manah.
19. Engken pupu engken kutang, yen paksa pupu ne istri, yen
nyeneng di pungkuran, ne lanang apan prayogi, gumanti
nyakrawati, dening prayogyang eluh, kutang jawat di dorian,
yan nya sedeng makarasmin, ya matinggal, dening ia twah
gelah anak.
20. Nah suba ya pet kutang, raris kabiak tayang gelis, ring prabe-
kel miwah manca, lawan ring balane sami, istri kakung miragi,
ida reke tuan Galuh, mangkin jagi kakutang, sabeh endang
pramangkin, ketug linuh, kedep ilang malaradan.
21. Kawarna raja juwita, warnane luir dewi Ratih, wayahe bau rong temwang, mawasta I Ambarasari dening sarining luih, tan lian nene kawuwus, sang prabu pramiswarya tan purun pisan ningalin, kapitelas, pangintene mangibukang.
22. Sampun teka ring samaya, kautus rakriana patih, mangutang raja juwita, kabakta sewesan gumi, kocap ngambah banawi, layarane maka telun, teked di pulo Emas, irika malabuh gelis, sami tedun, ne mangiring raja juwita.
23. Sarawuhe maring darat, kawulane sami gati, makarya umah satunggal, kalih dina sampun dadi, genah ida tuan dewi kasur langse galeng tumpuk, payuk pane lan pinggan jun kekebe
75
