Kaca:GEGURITAN MEGANTAKA.pdf/72

Saking Wikisource
Kaca puniki kavalidasi

ikang manusa, sami ibuk maka gumi, kocapan rakriana
patih, petenge tan keneng turu, belasak buka ada, rasanya
mangerubedanin, tengah wengi, ada sabda tan pasangkan.

8. "Ih, patihing Nusambara, twi tan wruh Sangapatih, karaning
ujane nyabran, tan enap rahina wengi, dening gustin i patih,
maputra salah ukur, lekad buncing makada, jani rusaking
nagari, yan tan kutang, rarene salah sanunggal.

9. Katekan ia tua uban, tong duga endang awai, yan kakutang
salah tunggal, terang raris buka jampi, tan sakaring ne jani, di
jagate nahen ibuk, teken di kadewatan, songgeng kawuh
songgeng kangin ida batara, langkung keweh ngarawesang.

10. Sabda ilang sanyapatya, jani mangerawos di hati, tan sisip
kadi punika, sami okan pramiswari, ujan angine tarik tan
kawarna ya ring dalu, di benjang pasemengan, rakryana patih
manangkil ke jero pisan, sang prabu duk ring pamengkang.

11. Sang prabu mendak ban tingal, saha pangandika manis, kaka
patih bawu teka, sabage kaka mariki, yan tan kaka agelis,
manira ngonkon ngutus, kema ka jumah kaka, rakriana patih
ngabakti, raris munggah, malinggih ring arep pisan.

12. Sang prabu alon ngandika, apa makada ne jani, kalingane ada
beda, sangkan gumine ngalimid, ujan angine sai, tan enap
rahina dalu, watara dua bulan, ketug linuhe lumindih, ida
Siwa Boda emeng ngerawesang.

13. Rakiana patih menembah, ature masawang tangis, "Inggih
ratu sasuhunan, titiang ngaturang pakeling, sapunapi ne
mangkin pakayun cokor iratu, engken adeyan rusak, nagarane
tan padidi, kryan manike, asiki kabuncalang.

14. Wenten sabda mahutama, mengerauhin, titiang ring wengi,
maka kerananing buana, sabehe rahina wengi, antuk ida sang
aji, ekane kembar pukulun, mijile lanang wadon, punika
mangerubedanin, yan tan kutang rarene salah sanunggal.

15. Boya dugi pacang torang, boya saka ring iriki, di kadewatan
wus gewar, songgeng kawuh songgeng kangin, sapunika sang
aji, sabdane reke karungu yan wantah kapatutang, nyandang

74