iriki ugi kalahe, Ni Supraba masaur, dipungkuran titiang mangiring, kari ta ke idewa, moga nerus tunjang, mamang gih dalan apadang, sampun budal Lotama Supraba mulih, makebur manggana.
11. Tan kocapan ne nilarin mulih, kacarita i nyai Padapa, rauh makta ajengane, kaget reke kadulu, raden dewi ida malinggih, nyagnyag nyongkok manyumbah, raris ngelut suku, duh dewa kadi swapena, pangide pe titiang ratu sedih kingking, anging ta sedih ayam.
12. Samatilar i ratune manik, titiang dewa sedih peteng lemah, tuan dewi alon sabdane, nah suba baya tuduh, nemu papa kalawan sakit, ndan i panunggun taman, rauh sami matur, luh muani pada nyumbah, ngelut suku tong madaya nyeneng malih, cokor idewa gesang.
13. Tan kacarita ring taman sari, kawuwusan Ni Sekar Kancana, kari di gagana reke, Sang Megantaka tuhun, apan kaleson dening jurit, tur kasurupan suryan, wus kadi ring dangu, warnane raja juita, dewi Sekar Kancana kayune mulih, ka gunung Jagalkap.
14. Pacang nunas tulungan ring bibi, layan-layang mangambah akasa, di jalan kapendak reke, lan sang dewining ayu, Ni Supraba lan Lotama gelis, manyapa ih wong apa, istri dahat ayu, dewi sekar sahur semita, singgih dewi titiang ta ratuning jim, Jagalkap nagarane.
15. Dewi Supraba sabdane aris, inggih raden titiang sampun tatas, sapaniskara tingkahe, ne mangkin jaga mantuk, manunas bantu ring i bibi, anging yan sapunika, buin akutus tahun tong kalah I Megantaka, antuk yudane ning paguruane jim, karaning sakti dahat.
16. Ida Semara paguruane nguni, dewi Sekar Kancana angucap, duh dewa ratun titiange, durusang ugi ratu, ica urip ring kawelas asih, yan wus kaprasida, karyan titiang ratu, suka mandadi kaula, ring wekasan diastu pawongan sujati, kangge cokor idewa.
17. Dewi Supraba saure aris, titiang suka ngaturin sanjata, kangge
118
