Kaca:GEGURITAN MEGANTAKA.pdf/115

Saking Wikisource
Kaca puniki kavalidasi

nulya, tan kayun pisan atmane, tulak ka swargan ratu, hyang batara anabda aris lamunnya tong nyak tulak, atehang jua tuun, ka mrecapada Supraba, lan idewi Lotama ma tunden tututin, apanga buin waluya.

4. Dangdang Petak makaon gelis, kema pajarang ring nyang Supraba, lan Lotama apang sereg, Sang Dangdang sampun makebur, manuunang lampahe agelis, mangaturang wacanan ida sang sinuhun, ring Widadari Supraba, lan Lotama inggih ratu dewa gusti, dening ida sang atma.

5. Tan kayun tulak ka suarga, adi, pangandikan ida sang batara, cokor idewa kalihe, mangateh pisan tuun, nene mangkin ka pada gumi, sang atma mimiragiang, rerane ring kayun, buka kena tirta merta, mangandika sang atma ring widadari, I Supraba lon Lotama.

6. Inggih dewa titiang lintang ugi, nunas ica ring cokor idewa, nunas ne mangkin tedune, kalih sareng masaur, inggih nunas titiang mangiring, ndan wateking dewata, mapamit semu mangu, pada mangembeng yeh tingal, widadari-widadari sami nangis, raris budal ka suargan.

7. Kacarita atmane tuan dewi, masarengan lan idewi Supraba, lawan Lotama lampahe, akedep ne tra rauh, di jeroning taman sami mangeraris, manyujur ring watangan sira tuan Galuh, kakerebe raris kabuncal, ni Supraba sabdane inggih mangkin, sulubin i watangan.

8. Kidemang dumun sampun ugi, macingakan dening ta punika, daging jajeroane akeh, makade gedeg takut, sang hyang atma nekep prerai, manyulubin watangan, wus nyeneng tuan Galuh, malih waluya apadang Ni Supraba Lotama sabdane aris, kari cokor idewa.

9. Titiang mapamit mantuk ka swargi, raden dewi aloning waca- na, sada ngembeng yeh tingale, duh ratu dewa ayu, titiang daweg manunas asih, durusang ugi dewa, icane mangaku, panjak nista kajantaka, ica ugi idewa meriki ninjoin, titiang nangken purnama.

10. Sabage ta ica mas manik, sareng nemu, becik lawan hala,


117