sapakayunane, agelis manyumput susuk, sekar pudak gadung melati, punika angge manah, yen idewa patut, dukane ring I Megantaka, mamademang pudake anggen ngeruhin, yan kewala mamasta.
18. Punika anggen gadung melati, nene benjang bau dauh pisan i dewa mayuda reke, boya dugi ko luput, sang sudewi mahatur aris, inggih ratu sandikan, titiang mapamit mangsul, tedun mangkin kapayudan, I Supraba masaur wacanane manis, mamargi apang yatna.
19. Abiga makebur ngenjuh ori ada tuun ada ngamenekang, tan kacarita lampahe, watara tengah dalu, dewi Sekar rauh ring gumi, mangojog kapondokan, rakane katemu, Mas tilar nagara duk malinggih sada mangu marep kangin, kaget raine teka.
20. Sarauhe sang dewi malinggih, di pabinan sambil nagih sepah, asung ganten ring lambene, sabdane manis rum, sang sudewi singgih beli mantri, benjang beli mayuda, eda lenan mapagut, I Megantaka sadiayang, keni beli macari ngaturang bakti, pangayah ring tuan mantriya.
21. Puniki sekar gadung melati, anggen manah yan sampun mabasta, kangge sapakayunane, raden mantri nabda harum, titiang dewa lintang sairing, tan kacerita ring wengia, abang wetan sampun, balane sampun madabdab, musuh roang sampun sami tingkah jurit, tatas nuli rahina.
22. Raden Megantaka raris mijil, kapayudan managih mangelawan, ih wong Ambaramadyane, apa doning tan metu, baya ajerihmu papag jurit, yan awedi nungkula, sapianak somahmu, mai aturang ken kola sing nya ada anang gigis-gigis,= bakal kola waumah,
23. Ne tong kanggo kai parajani, konkonanga mangaba ka Baita, aku paobatanga iba, Ambarapatyeng besuk, juru kurung lawan pakatik, iba ngandelang lua, kaling anak eluh, tuara ko manawang yuda, masa nyandang majurit, tuhu tuah mantri utama.
24. Ilih semprong anggon mangembarin, payuk pane kalawan
119
