taka ningalin.
33. Mangeregep angrana sika, nyipta geni wus mijil punang api,
mangebekin tegal agung, sang sudewi menyipta, ujan batu
ramening yuda gumutug, batu lawaning geni ya, remek tang
geni tan kari.
34. Malih dane mapidepan, Megantaka reke mijilang angin,
rahaden dewi mametuk, raris manyipta toya, toya agung
katun luir gunung magut, toya mameseh maruta, tan kocapan
punang jurit.
35. Kapalayu saparane malaib, sang Megantaka mandulu, yan
kasoraning yuda, punang suraking bala rame gumuruh,
kaya karubuing ambara, kocap saisining swargi.
36. Widadari-widadara, muang prodewatane telas mabalih,
kocap atmane tuan Galuh, sang lina aneng taman, milet
nonton dadarine sami ngerubung, ada nampayang daharan,
mawadah bokor mas adi.
37. Len manampa toya dahar, tur mawadah cicibuk mas masang-
ling, mapalipid winten murub, masclag ratna mulya, len nge-
petin, ada len manampa suruh, mawadah sami kawoten, ilen-
ilening swargi adi.
38. Di ambubune mararian, ningalin yudane ngadu kasaktian,
atmane rahaden Galuh, awas ida tumingal, ring sametone
lan ring raka kadulu, lintang kapiwelas ring cita, mangembeng
tirta ring aksi.
39. Matur dewi Nilotama, lan Supraba punapi duaning manangis,
idewa manonton ratu, mangde senenging manah, wetu sendu
suba liu mangelipur uyung, muah lara kaosekan, tuan dewi
masaur tangis.
40. Dewa ratu doning titiang, sapuniki kangen titiang ningalin,
rain idewane ratu, i adi kajantaka, milet papareke Mas
tilar nagantun punika ne makakalihan, mangadeg batan
tangguli.
41. Punika ne bedanginan, nyama tulen ne badauhan malinggih,
waumah titiang satuuk, dadarine tumingal, kagawokan
113
