agelis, ngandika sabdane alus, duh dewa susuhunan, kalingane
cokor idewa ko rauh, tumedun sakeng gagana, ka mreca-
pada ninjowin.
25. Panjake ne kawelas arsa, ngalih tanding tan polih istri luih,
tan padon panjake liu, raja berana tan pengan, mas mirah
winten ratna adi luhung, sami magedong-gedongan, tan
wenten kirangan malih.
26. Puniki titiang ngaturang, ring idewa lan titiang manik anggen
panjak sendin tampul, apang sampun kahadan, titiang ngiring
kangge ja wantah iratu, mangereh wong isining pura, nyeneng
maka pramiswari.
27. Kalawan wong sanagara, titiang dewa telas mangaturang sami,
titiang tan pamalih kayun, yan titiang kadi selam, dados
krayaking makuris mabadugul, mamogal saput babasa, suka
dadi santri alim.
28. Runtik tuan dewya miragiang, sawang rengu ngujiwat saur
kenying, apa ja kunang wuwus, Megantaka prawira, tur
sakti di jagate tuara mandung, kasub tekeng swarga loka,
twi tuah lananging jurit.
29. Ne jani jalan mayuda, sadian kai tuah mai mangunggahin,
ban tuah bane kasub bagus, tulen ratuning wanda, nging
teen kasoran masiat ring besuk, pilih ya iba manjakang,
yan tonden kalah ajurit.
30. Tong duga buin elenan, teken dane beli Mas tilar nagari.
apa wada bajang bagus, tulen ta sang hyan Semara, manginda
rat tur taruna genten tuhu, sedeng yan tohin ban pejah, dija
buin ruruh alih.
31. Jatmika menggek raspatya, sabikase tuwi ngerutang ati.
sang Megantaka angerungu, merange tan sapira, ih kalingane
wong ayu muncal tuwuh, lah mara ko ya uripa, sang Megan-
taka tumuli.
32. Mementang panah naga pasa, prayatna sang sadewi pinanahin,
dadya sang ratna ayu, dewi Sekarkancana, tuah tong obah,
kawales ban sepah sampun, naga pasa dadi ahwa, sang Megan-
112
