putraning jim Jagalkap, titiang gung mautang urip.
16. Punapi sih panauran, raja juita sabdane sampun ugi, idewa
manjangang kayun, nunas gelis rawesang, tingkah yudane
reke lah bau, Rahaden Ambarapatya, saure ngelangseng
ati.
17. Titiang ratu tuara panjang, telas mangiring kayun idewa ugi,
dening kaulane gempung, telas tan pakarian, dewi Sekar-
kancana sabdane alus, mangkin titiang mangerauhang apang
eda ical asiki.
18. Inguyup punang iyusan, rauh baret amakta wong kasilir,
sami sagagawan ipun, kuda liman padatya, lawan onta majajar
kadi ne sampun, langkung sami kagawokan, ring kasaktene
tuan dewi.
19. I Siung caling ngalokang, ikang bala apang masurak sami saha
bedile kemutug, mantian ramening suryak, bala Malakane
tangkejut mengerungu, wus katuring Megantaka, yan satrune
malih prapti.
20. Serengen Raden Megantaka, mangandika ring punggawane
sami, nah jalan pesuin amuk, adihi da ngenuang, suluh-
suluh idepang manusuk kakul, raris Raden Megantaka, layone
aras pamitin.
21. Kari i manik mas mirah, susuhunan titiang manunas pamit
merasa tong lalis keratu, titiang jani manilar, kapewidi mega-
tang titiang ne sampun, iratu kena piolas, meling angemasin
mati.
22. Mijil Raden Megantaka, saking taman keringing para mantri,
masasurakan ring hnu, wus adoh punang taman, rauh di
tegal jimbar rahaden sampun, sepan matingkah sanjata,
bedil lan surak lumindih.
23. Sang dewi sampun prayatna, sampun ngarep ida ngalinggihin
asti, sang Megantaka andulu, awas katon wane dyah, ayu
dahat, warnane anudut kayun, tulen dadari Supraba, sang
Megantaka nyagjagin.
24. Kaharep medalang kuda, sampun tepek sang Megantaka
111
