ningalin warnane bagus, kadi hyang Aruna kembar, manyele-
hin jagat sami.
42. Ndan kacarita muah, ne mayuda mangadu kasaktian Sang
Megantaka manyaluk, ageng aluhur sira, kadi gunung sira
sepaha satus, malima telung tali satak, sukune kocap rong
tali.
43. Tur masoca kadi bintang, dada gigir lewih di sirah sami
netrane ne ulungatus, katon sakadi surya, caling mingis
nyapnyap luir pedang maipuh, manyebak mabudi nyarap,
sang ayu prayatna gelis.
44. Mangajiang ujan bias, lawan pamor masepuk tan dumadi,
sang Megantaka anungkruk, mung ngerak jalan mula, soca
telas, kaseksekin ban ebuk, bias pamor tan sapira, malih
nyipta kadi nguni.
45. Wus waluya kadi kuna, langkung merang dening kasoran
tanding, malih mapidepan sampun, mesuang sarwa galak,
detya danawa macan kalawan senuk, sami mangebekin tegal,
rahaden dewi mawangsit.
46. I Siung caling mangelawan, sarwa galak sing mara ngemasin
mati, detya danawane gempung, senuk kalawan macan,
telas pejah sang Megantaka andulu, raris ida mangandika
lah ta pada mundur jurit.
47. Dening kaseleking latria, nene mani palimunan majurit,
mundur sang ratnaning ayu, rahaden kalih enggal, mamen-
dakin, kalih reke nabda harum, duh ratu atma juita, lesu
koi mirah manik.
48. Sang dewi Sekarkancana, sawur kenying caraning wong ajurit,
kudang titiang tani lesu, raris matuntun tangan, lan sang raka
rauh kapondoke sampun, daharan sampun cumadang, anging
sawarnani sari.
49. Tan wenten menyekul dahar, raja juita mung reke punang
sari, sadalu tan kena turu, musuh kalawan rowang, tan len
karawosang yudeng kawuwus, malih raden Megantaka, ma-
ngerasa kasoran jurit.
114
