mengelebur punang tatali. 7. Naga pasa sirna ilang, Raden Ambarapati nabda aris, sapa sira jua iratu, ica ring weng kajantaka, mantri mas Tilar nagara masaur, titiang saking Nusambara, wekanda ida sang aji.
8. Meriki titiang manglelana, ngarereh nyama pilih reke kapang- gih, dening kakan titiang tuhu, kapasah ring pulo Emas, duking alit, ortane wenten manuduk, akanda ida sang nata, Ambaramadia nagari.
9. Rahaden Ambaramadya, langkung kagiat idane mamiragi, ngandika sabdane alus, duh kalingane idewa, ipah titiang titiang mangaturang luput, agung sisip sinampura, titiang ne nguni mangambil.
10. Rakan iratune dewa, nanging sadia tan sadiane bes lewih tuan dewi ida wus lampus, nging dereng kaswastayang, ida kari layone di taman Santun, gelisan titiang sangsara, kasoran mangadu jurit.
11. Mameseh I Megan taka, ring Malaka rauh mangelurug mariki, bala wargi tuara kantun, telas sampun kaampehang, antuk angin, mung titiang kari kawelas hyun, kewala pakakalihan uripe sama lan mati.
12. Ne mangkin sang Megantaka, ngeranjing pisan jeroning ikang nagari, mas Tilarnagara langkung, kapi welasan ring cita, meling ring raka wekasan angembeng luh, dadia nawang- nawang tingal, ngandika ngesengin rabi.
13. Ratu mas Sekarkencana, inggih tambanin ida raden Mantri, mangda kenek kadi dangu, mesem sang lwiring kendran, mangwastonin ring cita raden Galuh, apang waluya apadang, sampun waluya tuan Mantri.
14. Kalih lawan i parekan, lintang suka nira rahaden Mantri, Ambaramadya ring kayun, dening enak sapisan, mangandika ring raine asemu guyu, sapa sira ja punika, titiang tan wenten ja uning.
15. Inggih ta punika dewa, ida jim ratuning jim sami, di Jagalkap nagantun, Raden Ambaramadya, mangandika kalingane iratu,
110
