46. Sambil ngaras layone saha wacana, duh dewa sang luir ratih,
antos ugi titiang, ne mangkin susuhunan, margin titiange
mangiring, Cokor idewa, apang titiang makadin.
47. Makundangan rauhe ka swarga loka, kapapag sarwa adi,
tumuli mamarga, mijile saking taman, amung I Sentul mangiring, tan pasanjata, kalihe karo keris.
48. Sampun katur ban i panunggun taman, ring ida sri bupati,
yan sira rahadian, mijile saking taman, kewala I Sentul
ngiring, kagiat sang nata, reke ida miragi.
49. Mangandika nrepati ring para punggawa, nah suba baya
ganti, kaka kema enggalang, jagjagin tuah ya i cai waliang
mulih ya nya tong enyak, kedeh mangelawan jurit.
50. Kaka pada eda tulak ka nagara, balane ketog mijil, mengawa
sanjata, sami masaur sembah, mapamit raris mamargi, saha
sanjata, balane sami ngiring.
51. Kulkul bulus kasauran ban gamelan, sawatara kalih keti,
katahe kang bala, seregep mangawa tumbak, bedil tulup
lan suligi, kentar lan pedang, dadap tamyang pangawin.
52. Balongsong talempek kalawan puranjak, wus rauh ring tuan
mantri, rahadian ngandika, uwa punapi karya, i patih ature
aris, duh susuhunan punapi duaning mijil.
53. Nunas tulak satru tan kena ing lawan, sakti tan wenten
tanding, bala tan paingan, sami teguh tur prakosa, andika
nira nrepati, nungkulang uga, mantuk ugi ne mangkin.
54. Raden Mantri ngandika eda uwe panjang, depang san padidihin, nira ben palatra, raris ida ngarepang, sampun kacunduk
tuan Mantri, ring wong Malaka, dening sami cumawis.
55. Bedil surak mabarung lawan gamelan, sampun macunduk
jurit, wong Ambaramadya, kalawan bala Malaka, arame
medli kabedil, numbak katumbak, nulup katulup sami.
56. Pada wira katemu pada lagawa, bangkena saling susunin,
baane mayuda, rekene ne mawasta I Tatit angedap jerih,
ban balanira, tumenggung Sanggabumi.
107
