Kaca:GEGURITAN MEGANTAKA.pdf/104

Saking Wikisource
Kaca puniki kavalidasi

34. Kacarita reke Raden Megantaka, lan sarowange sami, ada
ngejuk ayam, ada manampah jaran, ada len manampah sampi
I Baretduta, manampah kambing putih.

35. Ada menyempal ada len manimbal, ada mamahan kikil, ada
maan terus, ada len merebutin basang, sami tuara lahan api,
raris maneda, lan kaulane sami.

36.Bala Malakane enak majajarah, salantang-lantang margi,
tuara papegatan, pada matatampahan, henengakena rimihin,
ndan kawarnaha, rahadian ne di margi.

37. Dewi Sekarkancana raris ngandika, beli nawi tan uning.
Mantri Ambara madya, satrune tan pahingan, mantri Melakalurugin, nunas gelisang, pilih manggihin jurit.

38. Ndan mamargi sami pada gagelisan, kawuwusan nrepati, ring
Ambaramadia, sampun ida uninga, yang kegebuing nagari ,
Mantri Malaka, saha balane mangiring.

39. Gupuh sang nata tinangkil ring bancingah, pepek para bupati,
patih amangkurat, tumenggung sangga jagat, idemang manyangga langit, arya sapura, kanuruhan anangkil.

40. Aseru angandika sira sri narendra, kenken ta kaka patih, ban
kaka madya, dening kagungan lawan, mabala abias pasih,
yan mangalawan, sama nyeburing api.

41 . Salianane tan wangde pada berasta , melah nungkul dumunin,
pilih dane ica, ageng ampura sakalan, yan dane tonden ja
sengit, ngiter nagara, kaka nemani mijil.

42. Aturang jua kaka nira mangaula, kalawan wong tanagari,
masa tambet kaka, i patih saur sembah, inggih sandikan dewa
aji ndan kawangsitan, tuan Mantri ne prihatin.

43. Lemeng lemah manangis ngelut watangan, raine kadi urip,
raris kapire ngang, bedil kalawan suryak, rahaden buka tanginin, raris ngandika, Sentul mai ke dini.

44. Suryak rame bedile tuara sapira, anak nguda-ngudain, I Sentul manembah, ature amelad prana, duh ratu mangkin tuah
ganti, punang nagara, dadi alas awai.

106