go, ya katuduh suba pasti, dadi mangguh, atine i suradnyane.
76. Baane tuara masastra, dadi tuara inget jati, ngandika Pangeran Jembong, yen rerasan tuah akikit, suba teka memusti, jele melah da mangitung, to anggo pangleburan, De Brayut mengebakti, telas nuhun, ature sapangandika.
77. Tur katuduh ngalih umah, apang luas mandukuhin, saprakarane anggo, suba tutug kandikain, jani ngayap mapamit, memusti laut manyentud, ica Pangeran Jembong, ngabakti apisan ugi, laut bangun, asa miring ia majalan.
78. Anging tan kocap di jalan, kocapan ane belasin, pinak mantu jumah epot, iya mangrebahang be sampi, maebat memencok koping, ngacang-acang lan manimbung, ada nyambelin iso, Ian manglawar memagonin, mindang balung, ada manyiutang lablaban.
79. Len nyate asem lembat, ada mengracik bebanji, len memagonin reraon, ada mangibung masagi, ne pacagirgir limang dulang, suba puput bene maadonan, pacedesdes ya masagi, tuak berem, arake suba macadang.
80. Kalud luung bana ngebat, bone nganyudang ati, dari mapada bengong, makejang mangati-ati, ne jani suba lingsir, dane jrone tonden rauh, sok I Ketut Sabaya, ngajakin ngenuang sagi, tuara nurut, nyamannyane pada nangtang.
81. Bane kaduk brebasangan, buka tong inget manganti, anak odah sangkan bocok, tuah keto yeke jani, masih tong ada imbih, delok mulih delok pesu, nanange kaget teka, makejang pada nyagjagin pianak mantu, atinnyane pada girang.
82. Bau tekane manegak, pianake pada ngayahin, ada nyemak kekocor, ada ngabayang yeh sugi, manampa usap rai, ada mangerukin peluh, Jenne mangiderin tuak, dane jero maputu istri, kaget rauh, ngajakin pada madaar.
83. Mantune ajak madaar, teken pianak luh muani, petang dasa kuang dadua, makejang suba manegak, pada nyungkabang
43
