bangun pacengking, ada mangulun , lan manengah pagurenggang.
68. Kepuhe katon nggeramang, ambubu samah nyaputin, mairib butane katon, magambahan boke giling, bulunawake mempis, pipis-pipisan awor lan lumut, masraweyan katon, awor lan jenggot angresi, kumis jenggot, berise masraweyan.
69. Matannyane tatit kembar, makedep angkihang angin, nene nempulek mangojog, gook kepuhe memunyi, ngerem ulat ngaukin, ne mancana Pan Brayut, butane meraradan, kabeh ne memedi-medi, dadi suung, pada tong karuan lakuana.
70. Suba tutug galang tanah, cumarancang menadarin , surgane katon ngancorong, De Brayut ngagen mulih, suba suus mabresih, sukan atine katepuk, jani mangrasa sadia, buka di banjaran sari, lantas mantuk, majalan adeng-adengan.
71. Jani tan kocap di jalan, majalan mambelali-lali, Kocapan Pangeran Jembong, semengan suba mabresih, negak masaput putih, masisig lantas makemuh, ngarepin memandiangan, suba macadang inuni, parekane, ngayahin saupekara.
72. Bau puput maprayoga, ngastuti Hyang Boddi pati, petanganan alep alon, suarane mangreng jati, suawa upeti stiti, tekaning pralina puput, nelepdep saget kaalep, tanganne memusti, Pan Brayut, Manikel laut manyumbah.
73. Lantas bangun nunas toya, usane malih ngabakti, ngandika Pangeran Jembong, makempiang suarane manis, dini nanak malinggih, suba ngayap Pan Brayut, ngaliyer katakonan, saprakarane anakti, sampun katur, bikase makejang-kejang.
74. Bane tong ada kagiwang, gegodane buka mati, ngaraos Pangeran Jembong, manyayange tan sipi, kenyus laut memunyi, yen diparab suba anut, nanak isuradnyana, kasuran buka mati, tuah tan urung, katepuk nene sadiayang.
75. Anging tong kena saiayang, yan tan yatna malajahin, nene tetelu mamencong, ne dadua makada paling, tongose muncang-mancing, ne beten kaget di duur, kene baan mangang-
42
