kayu mas lan kayu puring, sami puput, balennyane pada hias.
99. Suud mandus kakayehan, I Nyoman ngajakin mulih, karobelah ne kacaton, buka tong kuang adiri, braya pamitra kasih, lan pisaga pada nepuk, di jalan mageguyon, tekane napetang sagi, tuak berem, arake suba macadang.
100. Bau tekane manegak, laut katuran wajik, madaar ya pakeremos, nasi be tan kosi-kosi, ebat-ebatan pasti, melen-lenan suba rauh, iderannyane nggeloh, tuak berem arak api, dauh pitu, kaget suud ya madaar.
101. Suud kacacaran sedah, Maluaran pada mulih , ulat masebeng kauron, De Brayut luh muani, mangedumang mas pipis, ken pianak aplekutus, ento ne kacacaran, kaitung pada maketi, luh muani, pada tong ada luwihan.
I02. Gelahe sisan kapara pawilangan nu aketi, abannya luas ka Gebang, angge bekel mandukuhin, jani lantas memargi, bebandarane malu, ne ngaba pada epot, ada manyuunang sagi, kotak tabla petinnyane kekarangan.
103. Kamben saput lan pedeman, makanda suba memargi kebene marerod-rerod, bek maisi saput putih, pengahannyane mati, nene langah telungatus, len tebel karobelah, basan ubade tan kari, kasa lembut, pada nu kayu-kayuan.
104. Sendor jun wadah yeh daar, caratan suba memargi, umbeh etang matenggolong, tan kocapa ne cenik-cenik, rajas ta kumarincing, cucupu botol Ian pucung, cawan kalih lan gelas, prabote maebat pasti, suba ketud, kabeh ne di pawaregan.
105. Pane jelung sok lan bodag, kumarang payuk pependil, pangedangan gebeh belong, kekeb tutup lan sokasi, len paso pinggan piring, pangingsahan sok lan jelung, pangorengan teken lumpian, pargorengan gede cenik, suba garut, panyahnyahan lan sangihan.
106. Len prabot pangleladingan, tetangga cantik pangerikan,
46
