i dadong tong ada enu, nyen to jalan nira, kalingan anake sudi, Pan Brayut, disesai ambul apa. 30. Tong mampuh nira ne batbat, ulat saja ko di jani, dugan nirane nu nyom, jumah i bapa di jani, buka tong ira imbih, sing pagawen anak luh, maebat ke di paon, mangamsumba ke mangantih, gelis nunun , ne bulus suba ladina. 31. Luwih yan mareringgitan, manganca bisa anyatri, endeke cepuk wirang rong, langah yen ada nandingin, yen balu ya kamimi, lubeng kaot cepuk madu, ukelane mabengad, ceracape buka tulis, yen katungkul, recah balung mandalika. 32. Ngendek kene bakal bikas, mas len gula milir, manuk dewata pepenyon, suma gunane marangkit, buka tong ira imbih , ya ke nanggap upah nunun, kambenne kapatihan, pandan kayon ya ke santri, jawat singuh, manggis rempuh karasikan. 33. Yen menegakang banyumas, bias membah geni jung, kaadudan sebitan don, laad limane maingid, ya ke candana kawi, saput cempaka sawakul, yan tangi karah gonjong, mega mendung kasurindit, suba luung, makejang sabikasbikas. 34. Yen mangendek kabedbedang, nene bakal anggo tapih, cempaka ne jua anggo, pepatolan cemlong orti, sabikasbikas tapih , buka tidong nira kengguh, yeke nunun kekasang, anggon tu tube di jani, makatelun, pragat angan limolas. 35. Luih gunane manyulan, banyu mas anggon nerapin, tutub- nyanr sutra ijo, sutra barak ya ke tangi, terapang patra sari, karang simbar kabentulu, yen ganggong rerentengan, dabdab alus buka tulis, gedah remuk, yen pepelok kumeranyab. 36. Idong sanira mamubab, mangaku ira di jani, dugan irane nu anyom, tidong buka kali jani, I Berayut nu cenik, engglan adinne liu, pada tong dadi tagok, nira makulang makaling, mincang mincung, ngayahin makerncongan.
37
