pianake di paon, ne nembelas mangurinyi, diwangan ancak saji, mangeling pada pasegut, tong baanga ka paon, I Bra- yut mangwelin, siksik kusung, kento ke anake manakan. 22. Memennya tuara uninga, saget teka ne muani, laut manyagjag ka paon, dapetang pianake ngeling, jemak pada kasihin, ne paling nyoman masafu, tong baanga ka paon, i meme mangalih nasi, mrengat-mrengut, nanange nungka jelanan. 23. Manyenukin pasepolan, tuara nu nyelep malengis, tekaning sesate calon, saprekarane belasin, mangerak delak-delik, lancang gemah Men Brayut, mangamah mangemol-emol, baan iba ke ngoopin, kai tuyuh, mangawe banten pedeman. 24. Bas tuara mamahud iba, goban ba buka memedi, ambeke cara sagaon, tuara nawang olas ati, pianake paberengik, buka tong inget mangempu, yeke mangupa pira, tuah dongkang ken dumadi, iba tumbuh, kewala nyak manakan. 25. Ada pada lIan tong ada, pang ba jani magedi, apang pisan tuara enot, setata mangrobedin, kijea iba mulili, yen kauhan ka salumbung, yen mulih Kalimbean, sing nya ada brayan ba sudi, teken bangkung, ditu jalan masendetan. 26. Idong kai kekacungan, luas belasin memedi, masa buung kai abot, sama balu isesai, pagaen ka ingetin, sing nya ada kamben saput, kekasang yen kekantong, lewih sabuke abesik, sekat iku, tuah kai makejang-kejang. 27. Men Brayut masih pongah, buka tuara nawang imbih, mamisbis sesate calon, tulang songne jua kikis, polo sesate gunting, letlet balung bekuung, ye ke jejepit iga, ulam eng- · kuk jepit babi, suba nyamut, jani suud ya mangamah. 28. Manyorog pabresihan, paso belah suba dekil, manyemut base aporos, masaut tong ada imbih, nanange nguda jani, ulah mabasa ngaduhung, nyen jua membesenang, mangundang ngonkon mapadik, nira ilu, duke nu jumah i bapa. 29. Yen sih tundung jani nira, luas malipetang mulih, enyen alih ira kawan, i bapa suba melasin, i meme suba mati,
36
