14. Lenne bangun nerajang, bau kedat nagih nasi, ada mengrebutin nyonyo, magujeg pada mangeling, lenne menguring nguring, pacara mantigang bungbung, ada ngocok kekocor, ne nyomanan ngasgas dingding, pabiayuh, elinge matrayuhan. 15. Kaget ngedusin ngaramang, mandingeh pianake ngeling, kapupungan oyong-oyong, ngusap matane nu kupit, kores maugentah genit, magasgasan gerak-gerok tapihe bek matuma, buka tong kuang aketi, len mataluh,pianaknyane mabuyag. 16. Ukuh bangun tani logas, nu matume siksik-siksik, kutune teked ka baong, manggurayang paguridip, nggureksiak patisiksik, limanne menek tuun, jani memingseg epot, pianaknyane marebutin, len memunggut, cepet bungut pamipisan. 17. Buka tong nawang onya, bas kaliunan mahentip, jani ya pesu mangebong, pianaknyane manututin, madandan bilang samping, di uri ada di malu, lenne manyemak nyonyo, ada ngelut niman pipi, pagerenjeng, rebed bilang atindakan. 18. Tong dadi jani majalan, I Ketut sereng mangwidi, ngajakin mabalih barong, ne lenan girang managih, pada ya embi-embi, nanange luas manganggur, banten anggen nungkulang; paridang pada matanding, sok I Ketut, sangkol ajak makembulan. 19. Peridang banten kemulan, onyang makatelung tanding, nyarigjig aba ka paon, bau teked ngineb kori, lantas ngagah sokasi, maisi jembung parungpung, cobeke kahkah maong, ludin ilang atebih, pauyahan, cawan nu apah teluan. 20. Ngogo calung ngalih uyah, suba ya suud masagi, mangungkab pane pangaron, di kumarange maisi, letlet sesate gugunting, balung lan dedeleg marus, iga sesate calon, len kekuung jepit babi, ulan engkuk, songone nggon rerebatan. 21. Bane nyamut kadaatan, onya nggenya mahang nasi, ajak x) tidak lengkap
35
