masate calon, urab barak urap putih, babi pada matebih, balung lan dedeleg marus, base pada maporos, tape biu jaja uli, kepel abug, tumpeng pada madandan.
x) 8. Suba malu maperaya, nyait lamak suba ibi, reringgitan gigin barong, anggo ceracap di sini, nedi tengah maringgit, pepatolan liking paku, suba materap endong, caniga ratna, don kayu kekerikan. 9.Luas manjus ka kayehan, das lemah mam buh masisig, bau tekane ka paon, lantas memaekang api, asep menyan astanggi, saang dapdap majegau, ngelah saput abidang, temontemone dijani, suba buuk, iajua sarebetang. 10. Saget suud mabantenan, ngalihang toya ngetisin, tekaning banten ka belong, tan ucapan ne di langki, di paon samping kori, di teretepan ka pulu, di yeh ka batu basa, tekaning ka badan sampi, sembe lesung, tekaning sedahan pabuan. 11. Nene eluh tuara uninga, ia nu medem engkis-engkis, manyrepapang gerak-gerok, pianake bek pagelanting, ada medem manyamping, len nungkayak manyrengkukut, ada madep ka teben, ne paling ketut ngakebin, ngelut bau, tunggal ngendusin kocokang. 12. I Ketut bangun ngalepat, gutgut tuma mangetekih, mangeling tong dadi kocok, mangulalalang-manguliling, ne lenan pada mangeling, ada ngerak kauk-kauk, lenne mendohongdohong, nene serak sengi-sengi, nene beeng gereng-gereng di tebenan. 13. Ada memecuk soksokan, maguyang nagih be guling, nene manying kelar magando!}g, ngusud bau mangurinyi, tani mandingeh munyi, mangeling mangulun ulun, managih sesate calon, ne bengkeng koat memendil, penah bekut, nagih balung gegorengan.
x) tidak lengkap
34
