PUPUH SINOM TIKUS KABANTING
1. Ada kidung geguritan, matembang tikus kabanting, ne kocap jelema boda, betah tani ngidep munyi, bebotoh uli cenik, mayus ludin tani mampuh, pianak makuram bean, ne ibukang luh muani, aplekutus, tekaning ne nu di basang.
2. Ibuk mangibukang awak, sing angkuh tuah patuutin, katuwon awake boros, madagang tuara mabati, jani tulus mangelisting, umah onya ringgang-ringgung, raabe pacalompang, pada engsubin ban upih, tunggal tuduh, malaib ka batan umah, 3. Atut man gelah waumah, baan mangagil di jani, kawisayannyane ngenggong, kapisaga gendang gending, tapihe sungsang kaping, sarungnya baan sarabut, suba aag paq.lompang, sing kamben anggon nambelin, pasaringkut, jejaitane ngalipan. 4. Bas kadurus bane pongah, buka tuara nawang imbih, dakin awake manyalon, klaskasan kiskis gudig. tuara nang malaad lengis, boke barak ludin puju t, giling makabrengbrengan, nyonyone beken antengin, salang waluh, kariuwut pasulengkat. 5. Tuah katuduh kento enyahan, arang yen tong tani beling sepanan mambelas malendong, basange suba maisi, tong kober angan ngantih, ye ke manglikas manunun, jani tulus mangebong, pianake bek pagelanting, medem bangun, awake ludin limuhan. 6. Luwih yen masan Galungan, ne muani tuah mapulilit, epot magadang di paon, nyuang yeh ngendihang .api, numpeng lantas matanding, kacang komak sudang talus, kacicang belandingan, sambel junggulan kacai, don kacarum, pelasnyane gegenderan. 7. Suba tutug masorohan, bantennyane canang cening, lenne
33
