37. Mapa magawe di benang, yen tong ngidem manakan beling, buka tong taen karuron, lekad idup pakelicik, greget atine pedih, makita nyadat manguut, mangalihang balian epot, Pan Brayut mituturin, siu taun, neraka nya temokang. 38. Jani ketidong nira, kene salah keto pelih, yen nira paksa narobos, katon tani ngidep munyi, ne buka kali jani, ka- nononan tani mampuh, nyen jua ne salahang, Pan Brayut kayang jani, bas kadurus, ulih bau pangantenan. 39. Bas magawe san tuturan, koat tuara mandingeh munyi, wangki dina pisan pindo, yen kapisaga malali, teka tuah ngembusin tampar, yen dapetang manunun, yen katepuk di paon, ira mangendihang api, tuah nda rurung, dong dusin buung manyakan. 40. Kento munyinnyane pongah, ne muani mangalih tangkis, ya manguda siga kento, yen kola salahang nani tuah siga ko dijani, mangidam ngamah kayuyu, ye ne manakan kento, sinya ia manglalahin, sangkan liu, pianake makrenyedan. 41. Dadi enduh makadadua, pada manglegayang ati, tan kocap suba makelo, pianaknyane suba kelih, ne muani-muani, makaskaya pada mampuh, pada mangidep badah, ne luh- luh suba kelih, ayu-ayu, liu anake njaumang. 42. Nyai pamayuni kocapan, bas melah ngenyudang ati, boke mangliwatin wangkong, alise tajep maingid, ules masawang tangi, madapan angsana ungu, yen nyarere maliat, mase- ledet buka tatit, yen matemu, pantese tuah daremann. 43. Luih gobane madenan, buka emase maukir, mangranyab rawit bonyoh, untune magiwang endih, ngredep buka ta- tit, tetingale nunjung biru, alis tajep nabengad, ngasorang kampid suriti, ulat rengu, kenyunge manis malenyad. 44. Nene ayu kadahatan, ne nyoman tuara nandingin, boke samah mangrebo, langsing lanjar sada aring, awak ngurang- ka ramping, muanyane melok lumlum, buka bulane purna- ma, tetingale kaduk bangkit, ulas lembut, madapan ang- soka liman.
38
